Tibbiy xodimlarga ko‘ra yakshanba kuni (26.10.2025) ishg‘ol ostidagi Sharqiy Quddus shimolidagi al - Ram shaharchasida falastinlik bir kishi Isroilning o‘q uzishi oqibatida tan jarohati oldi.
Falastin Qizil yarim oy jamiyati mavzu haqida bergan bayonotida, xodimlaridan biri al - Ramdagi ayrim devori yaqinida Isroil kuchlari tomonidan tan jarohati olgan falastinlik bir kishiga yordam bergani va ortidan jarohat olgan insonni shifoxonaga olib borganini bildirdi.
Hujum sabablari haqida esa hali hanuz hech qanday ma’lumot berilmadi.
Isroil armiyasi ko‘pincha Isroilda ishlash niyatida ayrim devoridan oshib o‘tishga uringan ishchilar tomon o‘q uzmoqda.
Bundan tashqari Falastinning Wafa axborot agentligi xabariga ko‘ra ishg‘ol ostidagi G‘arbiy Sohil janubidagi Baytullohga qarashli al - Minya qishlog‘ida isroillik noqonuniy ko‘chmanchilar falastinliklarga oid qishloq xo‘jaligi maydonida o‘nlab zaytun daraxtini kesib tashladi.
Yana Wafa xabariga ko‘ra nomi tilga olingan voqea noqonuniy ko‘chmanchilar zaytun daraxtlarining egalariga qarshi hujum uyushtirib, ularning qo‘llarini sindirib, ortidan Isroil armiyasi tomonidan nazorat ostiga olinishidan bir kun o‘tib qayd etildi.
Kolonizatsiya va devor qarshilik komissiyasiga ko‘ra Isroilning G‘azoga qarshi urush boshlatganidan beri (2023 - yilning oktabr oyi) noqonuniy Isroil ko‘chmanchilari G‘arbiy Sohilda falastinliklar bilan ularning mulkiga qarshi 7,000 dan ortiq hujum uyushtirgan.
Bu hujumlar orasida faqat shu oy boshidan beri zaytun teruvchilarga qarshi 158 ta hujum qayd etilgan.
O‘tgan yilning iyul oyida xalqaro adolat sudi o‘zining muhim qarorida Isroilning Falastin hududlarini bosib olishini noqonuniy deb e’lon qilar ekan, G‘arbiy Sohil bilan Sharqiy Quddusdagi barcha ko‘chmanchilarning joylashib olgan hududlarini bo‘shatib qo‘yishi talab qildi.
Eslatib o‘tamiz:
G‘azodagi Sog‘liqni saqlash vazirligi ma’lumotlariga ko‘ra 2023 - yilning oktabr oyidan beri Isroil tomonidan uyushtiirlgan genotsid oqibatida 68 ming nafardan ortiq inson halok bo‘lar ekan, 170 ming nafardan ortiq inson tan jarohati oldi.
