AQSH moliya vaziri Skott Bessent 28-fevral kuni mamlakati va Isroilning Eronga hujumlari bilan boshlangan urushda “yakuniy bosqich”ga kirilayotganini aytib, maqsadlari “Tehron yolg‘iz qolguniga qadar uning barcha iqtisodiy hayot tomirlarini uzish” ekanini ta’kidladi.
Skott Bessent “X” ijtimoiy tarmog‘idagi sahifasida Eron yuzasidan bayonot berdi.
AQSH Prezidenti Donald Tramp Eronning harbiy salohiyatini, harbiy zavodlarining deyarli barchasini va yadroviy dasturini “yo‘q qilgani”ni da’vo qilgan Bessent: “Endi yakuniy bosqichga kirmoqdamiz. Tong otishi bilan dushmanga qarshi shu paytgacha uyushtirilgan eng yirik moliyaviy hujum — iqtisodiy hujum kuni boshlanadi”, — dedi.
Bessent Eron “tovlamachilikni xavfsizlik kafolati sifatida ko‘rsatish orqali mavjudligini saqlab kelayotgani”ni da’vo qilib, Tehron “javob zarbalarini muqarrar, AQSH sanksiyalarini esa muzokara qilinishi mumkin bo‘lgan masala deb bilishini” ilgari surdi.
Tramp ma’muriyati bilan bu davr “nihoyasiga yetgani”ni ta’kidlagan Bessent: “Tehronga qarshi chiqish xataridan qo‘rqayotganlar Vashingtonning sabrini sinash qanday oqibatlarga olib kelishini e’tibordan chetda qoldirmasligi kerak”, — deya baholadi.
Skott Bessent Tramp ko‘pchilik xayoliga ham keltirmagan har qanday vakolat va choralarni qo‘llash imkonini beradigan sharoit yaratganini bildirib: “Maqsadimiz — Tehron yolg‘iz qolguniga qadar bu shafqatsiz rejimni saqlab turgan barcha iqtisodiy hayot tomirlarini uzish”, — dedi.
