Armaniston Bosh vaziri Nikol Pashinyan Nyu - Yorkda bo‘lib o‘tgan BMT Bosh assambleyasida Armaniston va Ozarbayjon o‘rtasida tinchlik o‘rnatilganini e’lon qildi va bu tarixiy kelishuvga erishilish jarayonida AQSh Prezidenti Donald Trampning roli muhim ekanini ta’kidladi.
Pashinyan shanba kuni (27.09.2025) bergan bayonotda, ikki davlat tashqi ishlar vazirlari joriy yilning 8 - avgusti kuni Vashingtonda tinchlik va davlatlararo munosabatlar bo‘yicha kelishuv imzolashgani va bu jarayonga Tramp bilan Ozarbayjon Prezidenti Ilhom Aliyev guvoh bo‘lganini bildirdi.
«AQSh Prezidenti Donald Trampning bu tinchlik jarayonidagi roli hal qiluvchi ahamiyatga ega», - degan Pashinyan, Ilhom Aliyev bilan birgalikda Donald Trampni Nobel Tinchlik mukofotiga nomzod sifatida ko‘rsatishga kelishib olganliklarini qayd etdi.
Pashinyan, shuningdek, Turkiya bilan bo‘lgan munosabatlarining yaxshilanganini ta’kidlagan holda Prezident Rejep Tayyip Erdo‘g‘an bilan muntazam ravishda uchrashuvlar o‘tkazilayotganini o‘z so‘ziga ilova etdi. U shuningdek, diplomatik munosabatlar o‘rnatish va mushtarak chegaralar ochish masalasida ijobiy fikrda ekanini bildirdi.
Armanistonning yana - da kengroq tashqi siyosati haqida gapirgan Pashinyan Yevropa ittifoqi, AQSh, Rossiya, Xitoy, Hindiston va mintaqadagi qo‘shnilar bilan bo‘lgan aloqalarni chuqurlashtirilishini ta’kidladi. Shuningdek, Armaniston parlamenti Yevropa ittifoqiga a’zo bo‘lish jarayonini boshlash uchun bir qonun qabul qilganini ma’lum qildi.
Pashinyan dunyo liderlarini kelasi 2026 - yili Yevropa Siyosiy hamjamiyati sammiti va BMTning Biologik xilma - xillik konferensiyasi uchun Armanistonga taklif qildi. Ungacha, Armaniston - Ozarbayjon tinchlik kelishuvi imzolanib, Armaniston - Turkiya chegarasi ochilishidan umidvor ekanini bildirdi.
