Pentagon chorshanba kuni Eronga qarshi urush paytida halok bo‘lgan yana ikki AQSH askarining ism-sharifini e’lon qildi. Armiya zaxira kuchlariga mansub ushbu ikki harbiy yakshanba kuni Quvaytning Shuayba porti shahridagi AQSH harbiy ob’yektiga uyushtirilgan drun hujumida vafot etgan. Mazkur hujumda jami olti nafar zaxiradagi askar hayotdan ko‘z yumgan edi.
AQSH Mudofaa vazirligi shanba kuni Eronga tegishli drunning Shuayba portiga uyushtirilgan hujumida halok bo‘lgan olti askardan ikki nafari Ayova shtatining Indianola shahridan 45 yoshli Jiffri R. O’Brayen va Kaliforniyaning Sakramento shahridan 54 yoshli Robert M. Marzan ekanini bildirdi. Pentagon Marzanning voqea joyida halok bo‘lgani taxmin qilinayotgani va yakuniy shaxsni aniqlash ekspertlar tomonidan yakunlanishini qayd etdi.
Bundan avval Pentagon boshqa to‘rt nafar askarning ismini ochiqlagan edi: Floridaning Vinter Xeven shahridan 35 yoshli Kodi A. Kork; Nebraskaning Belvyu shahridan 42 yoshli Noa L. Titjens; Minnesotaning Vayt Ber Leyk shahridan 39 yoshli Nikol M. Amor va Ayovaning Vest Des Moynes shahridan 20 yoshli Deklan J. Koadi.
Quvaytdagi tijorat porti bo‘lgan Shuayba, ayni paytda AQSH armiyasi uchun taktik vositalar va yuk tashishda foydalaniladigan muhim logistika markazi hisoblanadi. Hujum oqibatida 18 nafar askar tan jarohati oldi.
Ushbu hujum shanba kuni Eronga qarshi uyushtirilgan va orasida Oliy Rahbar Ali Xomanaiy hamda ko‘plab yuqori martabali mulozimlar bo‘lgan AQSHva Isroilning qo‘shma amaliyotidan ko‘p o‘tmay sodir etildi. Eron o‘shandan beri Ko‘rfaz davlatlari va mintaqadagi AQSH harbiy kuchlarini nishonga olgan holda javob qaytarmoqda.
