Qatar, Eronning Fors ko‘rfazi davlatini nishonga olgan hujumlari uchun bir badal to‘lashi kerakligini ifoda etib, o‘z hududi va xalqi nishonga olingan hujumlar javobsiz qolmasligi haqida ogohlantirdi; mintaqadagi taranglik esa kuchaymoqda.
Dushanba kuni (02.03.2026) CNN kanaliga bergan intervyusida Qatar Tashqi Ishlar vazirligi Matbuot xizmati kotibi Majid al - Ansoriy, Eronning Qatarga qarshi uyushtirgan hujumlarini «beparvo va mas’uliyatsiz» deb baholadi. Bunga qo‘shimcha ravishda, Dohaning javob qaytarish huquqi saqlanib qolishini ta’kidladi.
«Bunday hujum javobsiz qoldirilmaydi», - degan al - Ansoriy, Eronning Qatarni nishonga olgan hujumlari «javobsiz qolishi mumkin emas»ligini bildirdi.
Tashqi Ishlar vazirligi ma’lumotiga ko‘ra to‘xtatilgan Eron hujumlari Qatarning xalqaro aeroporti hamda boshqa harbiy bo‘lmagan infratuzilmalari va tijorat obyektlarini nishonga olgan.
Al - Ansoriy Qatar 100 dan ortiq raketa va o‘nlab insonsiz havo transporti bilan to‘qnash kelgani, ayrim o‘q - dorilar fuqarolik va tijorat infratuzilmasiga yo‘naltirilganini bildirdi.
Insonsiz havo transporti va o‘q - dorilarning to‘xtatilishi
Qatar havo mudofaa tizimlari va jangovar samolyotlari muhim obyektlar hamda infratuzilmani himoya qilish choralariga muvofiq ko‘plab insonsiz havo transporti va boshqa raketalarni yo‘q qilgan.
Matbuot xizmati kotibi Doha hozirgi paytda mamlakatni himoya qilish, hayotiy iqtisodiy va energetika infratuzilmasini saqlab qolishga e’tibor qaratayotgani hamda Tehron bilan diplomatik aloqalar o‘rnatish bilan shug‘ullanmayotganini ifoda etib, CNN jurnalisti Beki Anderson’ga: «Hozir hukumat bilan aloqada emasmiz. Tasavvur qilganingizdek, mamlakatimizni himoya qilish bilan bandmiz», - dedi.
Al - Ansoriy shuningdek, Fors ko‘rfazi mintaqasida harbiy bo‘lmagan nishonlarga qaratilgan hujumlar xavfi haqida ogohlantirib, Qatar harbiy bo‘lmagan infratuzilmaga qarshi uyushtirilgan hujumlardan jiddiy xavotirda ekanini bildirdi.
U yana Qatar armiyasi quruqlik va dengiz sohillaridagi iqtisodiy obyektlarni himoya qilish choralarini ko‘rayotgani, Fors ko‘rfazi yetakchilari esa o‘zaro va AQSh bilan yaqin muvofiqlashtirishni davom ettirayotganini o‘z so‘ziga ilova etdi.
