Eron Inqilobiy gvardiyasi (IRGC) yarim rasmiy Fors axborot agentligiga yakshanba kuni bergan bayonotida, mintaqadagi uchta AQSh aviabazasiga raketa va insonsiz havo transporti orqali zarba berganini ma’lum qildi.
Yuqorida nomi tilga olingan agentlik xabarida IRGC, Arbildagi al - Harir aviabazasida AQSh kuchlari toʻplanish markazini nishonga olgani, shuningdek Quvaytdagi Ali al - Salom va Arifjon bazalari qudratli Eron raketalari va insonsiz havo transporti yordamida yoʻq qilinganini bildirdi.
Bayonotda hujumlar, Erondagi sanoat hududlarida ishlagan ishchilarning oʻldirilishiga javob tariqasida olib borilgan Haqiqiy Va’da 4 amaliyotining 52 - toʻlqini doirasida amalga oshirilgani bildirildi.
IRGC bayonotda shuningdek, Binyamin Netanyaxuni tahdid qilgan holda «Agar u haligacha tirik boʻlsa, unda uni biz kuzatishni davom etamiz va bor kuchimiz bilan oʻldiramiz», - degan ifodalarga oʻrin berdi.
Oldinroq Isroil Bosh vaziri idorasi Anadoʻlu agentligiga (AA) bergan bayonotida, AQSh bilan Isroil hujumlariga javob tariqasida Eron tomonidan uyushtirilgan hujum paytida Netanyaxuning oʻldirilgani haqida ijtimoiy tarmoqlarda iddao etilgan xabarlar «soxta» ekani va Netanyaxuning ahvoli «yaxshi» ekanini bildirgan edi.
Isroilning Kanal - 12ga xabar berishicha Eronning soʻnggi ballistik raketa hujumi ortidan Isroil markazidagi Holon shahrida ikki kishi yengil jarohat oldi.
Yaqin Sharq inqirozi Isroil bilan AQShning 28 - fevral kuni Eronga qarshi birgalikda hujum uyushtira boshlashi bilan keskin tus oldi.
Unda, 1 ming 300 nafardan ortiq inson halok bo‘ldi. Qurbonlar orasida 150 nafardan ortiq o‘quvchi qiz bilan mamlakatning sobiq diniy lideri Ali Hamaney ham bor edi. Halok bo‘lganlardan tashqari 10 ming nafardan ortiq inson halok bo‘ldi.
Tehron AQSh bilan Isroil hujumlariga qattiq javob qaytardi. Shu doirada Isroil, Iordaniya, Iroq va AQSh harbiy salohiyatiga ega Fors koʻrfazi mamlakatlarini nishonga oldi. Voqea boshlaganidan beri sakkiz nafar AQSh askari halok boʻldi.
