Mamlakat fuqaro aviatsiyasi agentligiga ko‘ra, Kolumbiyaning Venesuela chegarasiga yaqin hududida samolyot qulashi natijasida orasida bir deputat ham bo‘lgan o‘n besh kishi hayotdan ko‘z yumdi.

Davlat aviakompaniyasi Satena tomonidan boshqarilgan samolyot chorshanba kuni qulagan vaqtda 13 nafar yo‘lovchi va ikki ekipaj a’zosini tashiyotgan edi.

Samolyot, chegara shahri Kukutadan havoga ko‘tarilgan va tushlik vaqtida qo‘nishi kutilayotgan yaqindagi Okania shaharchasiga yetib borishidan biroz oldin nazorat minoralari bilan aloqani yo‘qotgan edi.

Fuqaro aviatsiyasi agentligining mas’ul xodimi, halokatda "omon qolganlar yo‘qligini" bildirdi.

Tog‘li hudud bo‘lgan Kukuta mintaqasi, ob-havo sharoitining tez o‘zgarishi bilan tanilgan.

Mintaqaning ba’zi qismlari, shuningdek, Kolumbiyaning eng yirik partizan guruhi bo‘lgan Milliy ozodlik armiyasi (ELN) tomonidan nazorat qilinadi.

Rasmiylar, qoldiqlarni qidirish va jasadlarni chiqarish uchun harbiy havo kuchlari hududga yuborilganini ma’lum qildi.

Samolyotda bo‘lganlar orasida bir deputat va bir deputatlikka nomzod borligiga ishonilmoqda.

Halokatga uchragan samolyot, Beechcraft 1900 rusumli ikki parrakli modeldir.