Erdog‘an 2002-yildan buyon faol aeroportlar sonini 26 tadan 58 taga yetkazganlarini ta’kidlab: «Turkiyani dunyodagi eng keng parvoz tarmog‘iga ega mamlakatlardan biriga aylantirdik», — dedi.

Erdog‘an faqat Istanbulning o‘zida transport va infratuzilma sohasiga amaldagi narxlarda jami 2 trillion 120 milliard lira, jumladan, aviatsiya sohasiga 604 milliard 400 million lira sarmoya kiritilganini bildirdi.

«2026-yilning dastlabki sakkiz oyida mamlakatimiz bo‘ylab havo transportida safar qilgan yo‘lovchilar soni 167 million 500 mingdan oshib, aholimiz sonining qariyb ikki baravariga yetdi», — dedi u.

Erdog‘an: «Bizning maqsadimiz Turkiya Respublikasini investitsiyalar, bunyodkorlik ishlari va xizmatlar bilan ravnaq toptirishdir», — dedi.

Shuningdek, foydalanishga topshiriladigan to‘rtinchi asosiy uchish-qo‘nish yo‘lagi va qo‘shimcha investitsiyalar global aloqalar borasida dunyoda yetakchi bo‘lgan Istanbul aeroportiga juda muhim hissa qo‘shishini ta’kidladi.