Turkiya shanba kuni (27.12.2025) ikki muhim xalqaro bitimni tasdiqlab, ularni Rasmiy gazeta orqali e’lon qilish orqali kuchga kirishini ta’minladi.

Ulardan birinchisi Gonkong bilan tuzilgan investitsiyalarni himoya qilish bitimi bo‘lib, uning rasmiy nomi “Turkiya Respublikasi Hukumati bilan Xitoy Xalq Respublikasi Gonkong Maxsus Ma’muriy Hududi Hukumati o‘rtasida Investitsiyalarni o‘zaro rag‘batlantirish va himoya qilish to‘g‘risidagi bitim” , hisoblanadi.

Mazkur bitim avvalom bor 2023 - yilning 1 - iyuni kuni Anqarada, keyin esa 2023 - yilning 31 - oktabri kuni Gonkongda imzolangan edi.

Turkiya shuningdek, milliy yurisdiksiya doiralaridan tashqaridagi hududlarda dengiz hayotini muhofaza qilish va undan barqaror foydalanishni maqsad qilgan Birlashgan Millatlar Tashkilotining dengiz biologik xilma - xilligiga oid bitimini ham ratifikatsiya qildi.

2024 - yilning 27 - sentabri kuni Nyu - York shahrida imzolangan “Birlashgan Millatlar Tashkilotining Dengiz huquqi to‘g‘risidagi konvensiyasi doirasida milliy yurisdiksiya doirasidan tashqaridagi hududlarning dengiz biologik xilma - xilligini muhofaza qilish va undan barqaror foydalanish to‘g‘risidagi bitim” unga ilova qilingan bayonotlar bilan birga qabul qilindi.

Har ikkala bitim ham e’lon qilingan zahoti kuchga kirdi.