Yaponiya Meteorologiya agentligi Yaponiya g‘arbida 6,2 magnitudali kuchli zilzila sodir bo‘lganini, biroq tsunami bo‘yicha ogohlantirish e’lon qilinmaganini ma’lum qildi.
Zilzila seshanba kuni mahalliy vaqt bilan soat 10:18 da (GMT bo‘yicha 01:18) Shimane prefekturasining sharqiy qismida, taxminan 10 kilometr (6,2 mil) chuqurlikda yuz berdi.
Hozircha qurbonlar haqida hech qanday ma’lumot yo‘q.
Kyodo axborot agentligi xabariga ko‘ra, kichik magnitudali takroriy zilzilalar ham qayd etilgan.
Chugoku Electric Power Co. kompaniyasi bayonotiga ko‘ra, Matsue shahridagi Shimane atom elektr stansiyasida asosiy zilziladan so‘ng hech qanday nosozlik aniqlanmagan.
Rasmiylar, shuningdek, elektr ta’minotidagi uzilishlar sababli Yaponiyaning g‘arbiy qismida tezyurar poyezdlar qatnovini vaqtincha to‘xtatganini, Sanyo Shinkansen liniyasining Okayama va Xirosima stansiyalari o‘rtasidagi qatnovlar ham bekor qilinganini bildirdi.
