Birlashgan Millatlar Tashkilotining Afg‘onistonga yordam ko‘rsatish missiyasi (UNAMA) 10 - oktabrdan beri Pokiston va Afg‘oniston o‘rtasidagi to‘qnashuvlarda kamida 18 kishi halok bo‘lgani, 360 nafardan ortiq inson tan jarohati olganini ma’lum qildi.

UNAMA payshanba kuni (16.10.2025) mavzu haqida bergan bayonotida: «Tinch aholini himoya qilish uchun tomonlarni harbiy harakatlarni butunlay to‘xtatishga chaqiramiz», - dedi

Bu bayonot har ikki mamlakatda ham o‘nlab insonlarning umriga va sog‘ligiga zomin bo‘lgan va bir necha kun davom etgan janglardan keyin qayd etilgan.

Nomi tilga olingan voqealar, 2021 - yili Tolibonning G‘arb tomonidan qo‘llab - quvvatlangan hukumat qulashidan keyin Afg‘onistondagi hokimiyatni qo‘lga kiritishidan beri qo‘shnilar o‘rtasida yuz bergan eng halokatli inqiroz bo‘ldi.

10 - oktabrdan buyon transchegaraviy zo‘ravonliklar avj olar ekan har bir davlat bir - birining qurolli provokatsiyalariga javob qaytarganini iddao qilmoqda.

Chorshanba kuni tomonlar o‘t ochishni to‘xtatishga kelishib oldi. Bu otashkesim shiddatning al - Qoida kabi guruhlar takror paydo bo‘lishga urinayotgan mintaqani barqarorlashtirish tahdidini tashkil etishi ustidan yirik mintaqaviy kuchlarning chaqirig‘i ortidan keldi.

Kechasi bilan urush bo‘lgani haqida esa hech qanday ma’lumot yo‘q.

Birlashgan Millatlar Tashkilotining Afg‘onistonga yordam ko‘rsatish missiyasi o‘t ochishni to‘xtatishni olqishladi va qurbonlar sonini baholashda davom etayotganini bildirdi. Unda aytilishicha, eng katta yo‘qotishlar chorshanba kuni janubda kuzatilgan.

Pokiston, chegarada tinch aholi qurbonlari haqida hech qanday ma'lumot bermadi.

Pokiston, Afg‘onistonni bir necha bor terrorchilarga boshpana berishda aybladi ammo ayblov Tolibon tomonidan rad etildi. Pokiston 2021 - yildan beri avj olgan hujumlarga qarshi kurashib kelmoqda.

Ikki davlat Afg‘oniston hech qachon tan olmagan Durand chizig‘i sifatida tanilgan 2611 kilometrlik (1622 milya) chegaraga ega.