Eron bo‘yicha faoliyat olib borgan inson huquqlari tashkilotlaridan biri chorshanba kuni (07.01.2026) Erondagi norozilik namoyishlarida halok bo‘lganlar soni 38 nafarga yetganini ma’lum qildi.
Markazi AQShda joylashgan ushbu tashkilotning rasmiy veb - saytida e’lon qilingan hisobotda, namoyishlar mamlakat bo‘ylab 11 kundan beri davom etayotgani qayd etildi.
Hisobotda aytilishicha mamlakatning 31 viloyatida norozilik namoyishi uyushtirilgan bo‘lib, 34 nafar namoyishchi bilan 4 nafar xavfsizlik xodimi hayotdan ko‘z yumgan.
Roppa - rosa 348 turli joyda o‘tkazilgan namoyishlarda o‘nlab inson jarohat olar ekan, 2 ming 217 kishi hibsga olingan.
Hisobotga ko‘ra, jarohatlarning aksariyati sochma va plastik o‘qlardan kelib chiqqan.
Rasmiylar halok bo‘lganlar va jarohatlanganlar haqida hozircha hech qanday izoh bermadi.
AQSh Prezidenti Donald Tramp juma kuni, Tehron, namoyishchilarga qarshi o‘limga olib keluvchi kuch ishlatgudek bo‘lsa; Vashington namoyishchilarning yordamiga kelishini ifoda etgandi. Bu bayonot eronlik yuqori martabali rasmiylarning noroziligiga yo‘l ochdi.
Eron so‘nggi haftalarda iqtisodiy ahvolning yomonlashuvi va milliy valyuta — riyalning AQSh dollariga nisbatan 1 350 000 darajadan oshib, keskin qadrsizlanishi bilan keng ko‘lamli norozilik namoyishlariga sahna bo‘lmoqda.
