Mahalliy ommaviy axborot vositalari xabarlariga koʻra Tehron shahridagi bir uyni nishonga olgan AQSh – Isroil hujumida eronlik yuqori lavozimli amaldor ogʻir yaralangan.

Xabarlarga koʻra Tashqi aloqalar boʻyicha strategik kengash rahbari va sobiq tashqi ishlar vaziri Kamol Xarroziy oʻz uyiga qarshi uyushtirilgan hujumda jarohat olgan.

Ogʻir jarohatlar tufayli shifoxonaga yotqizilgan Xarroziyning rafiqasi esa hujum natijasida halok boʻlgan.

Xarroziy marhum diniy lider Ali Hamaneyning katta maslahatchilaridan biri edi.

Xarroziy yangi diniy lider Mujtabo Hamaneyning otasi davrida ishlagan amaldorlarni almashtirmagani sababli oʻz lavozimini saqlab qolgan edi.

AQSh va Isroil joriy yilning 28 - fevralidan beri Eronga qarshi havo hujumlari uyushtirar ekan, oqibatida 1 ming 340 nafardan ortiq inson halok boʻldi. Ular orasida, Eronning sobiq diniy lideri Ali Hamaney ham bor edi.

Eron esa bunga javob tariqasida insonsiz havo transporti va raketalar orqali Isroil bilan birga Iordaniya, Iroq va AQSh harbiy kuchlari joylashgan Fors koʻrfazi mamlakatlarini nishonga olgan hujumlar uyushtirdi.

Hujumlar insonlarning halok boʻlishiga va infratuzilmalarning ziyon koʻrishiga yoʻl ochar ekan, global bozorlar va aviatsiya sohasiga ham salbiy ta’sir koʻrsatdi.