Isroilda muxolifat partiyalari yetakchilari Bosh vazir Binyamin Netanyaxu davriga chek qo‘yish uchun xalqni saylovlarda ovoz berishga chaqirdi.

“Bizning Isroilimiz” partiyasi rahbari va sobiq mudofaa vaziri Avigdor Liberman X ijtimoiy tarmog‘idagi sahifasida xalqqa murojaat qilib: “Ovoz bering, Netanyaxu davriga va xaridimlar (ultraortodoksal yahudiylar) boshqaruviga chek qo‘yaylik”, - degan ifodalarga o‘rin berdi.

“Yashar” partiyasi rahbari Gadi Ayzenkot ham X sahifasida: “O‘zgarishlarni amalga oshirish va Netanyaxuni almashtirishning yagona yo‘li bor, bu — Yashar yo‘li”, - deya bayonot berdi.

Ayzenkot o‘z partiyasi Isroildagi eng yirik partiyaga aylanishi kerakligini ta’kidladi.

Muxolif deputat Gilad Kariv ham X sahifasida: “So‘nggi to‘rt yil davomida olib borgan kurashimizni bugun saylov qutilariga olib chiqamiz”,- dedi.

O‘zgarishlarga ishora qilgan Kariv bugungi kun “to‘rt yillik umid davrining boshlanishi” - ekanini bildirdi.

Saylovchilarga murojaat qilgan Kariv: “Yaqin soatlarda Netanyaxu va uning tarafdorlari saylovlarga putur yetkazish maqsadida yolg‘on va chalg‘ituvchi da’volarni tarqatib, sizni soxta xabarlar va xabarlarga ko‘mib tashlaydi”, - deya fikr bildirdi.

Kariv saylovchilarni ovoz berishda faol ishtirok etishga chaqirdi.

Isroilda 120 nafar parlament deputatini saylash uchun ovoz berish jarayoni davom etmoqda.

Saylovlarda 30 dan ortiq partiya va saylovchilar ro‘yxati parlamentdan o‘rin olish uchun 3,25 foizlik saylov to‘sig‘idan o‘tish yo‘lida kurash olib bormoqda.