Mahalliy OAV va mustaqil ravishda tasdiqlanmagan ijtimoiy tarmoqlardagi tasvirlarga ko‘ra Venesuela poytaxti Karakasdagi prezident saroyi yaqinida o‘q va portlash ovozlari eshitilgan.
Internetda tarqagan videolarda og‘ir qurollangan shaxslar bilan Miraflores saroyi atrofiga joylashtirilgan harbiy konvoylarni ko‘rish mumkin.
Tasvirlarda, xavfsizlik kuchlari saroy yaqinidagi ko‘chalarda patrul qilayotgani aks etgan.
Mahalliy manbalarga ko‘ra saroy atrofida noma’lum insonsiz havo transportlari harakatlanayotgani haqidagi xabarlar ortidan, mahalliy vaqt bilan kechki soat 8 lar atrofida o‘q ovozlari eshitilgan. Rasmiylar vaziyat yuzasidan jamoatchilikka ma’lumot bermagani sababli noaniqlik avj olgan.
Hodisa oqibatida jabrlanganlar yoki halok bo‘lganlar haqida hech qanday ma’lumot yo‘q. Yetkazilgan ziyon yoki qo‘lga olishlar bo‘yicha ham rasmiy bayonot berilmadi.
Mazkur voqealar Venesuela Prezidenti Nikolas Maduro va uning rafiqasi Siliya Floresning hafta oxirida AQSh tomonidan uyushtirilgan harbiy amaliyot chog‘ida hibsga olinishi hamda undan so‘ng vitse - prezident Delsi Rodrigesning vaqtincha prezident sifatida qasamyod qilganidan bir necha soat o‘tib sodir bo‘ldi.
Rasmiylar saroy yaqinidagi hodisalar mamlakatda yuzaga kelgan siyosiy inqiroz bilan bevosita aloqali yoki yo‘qligini hozircha tasdiqlamadi.
