So‘nggi hujum bilan birga, AQShning giyohvand moddalar tashiyotgani gumon qilingan qayiq va kemalarga qarshi hujumlarida halok bo‘lganlar soni 87 nafarga yetdi.
Amerika Qo‘shma Shtatlari (AQSh) armiyasi Sharqiy Tinch okeanidagi xalqaro suvlarda narkotik moddalar tashiyotgani iddia qilingan qayiqka uyushtirilgan hujumda to‘rt nafar erkak o‘ldirilganini ma’lum qildi.
AQSh armiyasi payshanba kuni X platformasida e’lon qilgan bayonotida shunday dedi:
“Razvedka qayiqning noqonuniy giyohvand moddalar tashiyotganini va Sharqiy Tinch okeanidagi mashhur narkotik kontrabandasi yo‘nalishi bo‘ylab harakatlanayotganini tasdiqladi. Kema bortidagi to‘rt nafar erkak narko-terrortchi yo‘q qilindi.”
AQSh sentabr oyidan beri Karib dengizi va Sharqiy Tinch okeanida giyohvand moddalar tashiyotgani gumon qilingan qayiq va kemalarga kamida 22 ta hujum uyushtirdi va kamida 87 kishini o‘ldirdi.
Eng so‘nggi hujum, Pentagon rasmiysi Pit Hegseth sentabr oyida hujumlardan tirik qolganlarni ham o‘ldirish haqida buyruq bergani haqidagi bahslar avj olgan bir paytda sodir bo‘ldi. Rasmiylar bu ayblovlarni rad etmoqda.
4-darajali ogohlantirish
Boshqa tomondan, AQSh Davlat departamenti Venesuela bo‘yicha eng yuqori darajadagi sayohat ogohlantirishini qayta e’lon qildi va barcha AQSh fuqarolari hamda doimiy yashovchi maqomiga ega shaxslarni mamlakatni “darhol” tark etishga chaqirdi.
May oyida birinchi marta e’lon qilingan va keng qamrovli qayta ko‘rib chiqishdan so‘ng o‘zgarishsiz tasdiqlangan 4-daraja — “Safar qilmang” ogohlantirishi quyidagi jiddiy xavflarni sanab o‘tadi:
nohaq hibsga olish, qiynoq, terrorizm, o‘g‘irlash, qonunlarning o‘zboshimchalik bilan qo‘llanishi, zo‘ravon jinoyatlar, ijtimoiy tartibsizliklar va Venesuela sog‘liqni saqlash tizimining qulashi.
Ogohlantirishda shunday deyiladi:
“Venesueladagi barcha AQSh fuqarolari va doimiy yashovchi maqomiga ega shaxslar mamlakatni darhol tark etishlari qat’iy tavsiya etiladi.”
Bayonotda, AQShning 2019 yilda Karakastagi barcha diplomatik xodimlarini olib chiqib ketgani yana bir bor eslatiladi va hukumat favqulodda yoki oddiy konsullik xizmatlarini ko‘rsatishga qodir emasligi aytiladi.
Shuningdek, quyidagi ogohlantirish keltiriladi:
“Venesuela yoki boshqa xorijiy pasport bilan sayohat qilayotgan bo‘lsa ham, AQSh fuqaroligi yoki AQShdagi yashash maqomiga ega har qanday shaxs mamlakatni darhol tark etishi shart. Hech qanday sabab bilan Venesuelaga safar qilmang.”
Ogohlantirishda mamlakat bo‘ylab yoqilg‘i, elektr, suv, dori-darmon va tibbiy vositalar tanqisligi kuzatilayotgani ham ta’kidlanadi.
AQSh fuqarolarini Venesuelaga bormaslikka chaqirishiga qaramay, Davlat departamenti baribir u yerga kirishga qaror qilganlar yoki darhol chiqib ketish imkoniga ega bo‘lmaganlar uchun bir qator tavsiyalarni beradi. Ular orasida:vasiyatnoma tayyorlash,oila bilan aloqa protokolini ishlab chiqish,shaxsiy xavfsizlik yollash, tibbiy evakuatsiya sug‘urtasini sotib olish.Ogohlantirish yakunida quyidagi qat’iy ibora ishlatiladi:“Venesuelaga safar qilishning xavfsiz yo‘li yo‘q.”
