Yevropa Ittifoqiga a’zo bo‘lmagan davlatlar fuqarolaridan barmoq izi va yuz tasvirini topshirishni talab qiluvchi tizim aeroportlarda uzun navbatlarga sabab bo‘ldi.
Fransiya, Belgiya, Niderlandiya, Germaniya, Gretsiya, Malta, Portugaliya, Italiya va Shveytsariya chegaralardagi harakat uzluksizligini saqlash maqsadida ushbu tizimni to‘liq joriy etishni kechiktirgani bildirildi.
Oktabr oyida ishga tushirilgan tizim aprel oyiga qadar to‘liq kuchga kirishi kutilgan edi.
Yozgi sayohatlar paytida tartibsizliklarning oldini olish uchun mamlakatlarga nazoratlarni vaqtincha to‘xtatib turish imkonini beruvchi 150 kunlik imtiyozli muddat berilgan edi.
Ushbu muddat 6-sentabrda yakunlanganiga qaramay, to‘qqiz davlat tizimlar to‘g‘ri ishlay boshlaguniga qadar nazoratlarni amalga oshirmasligini e’lon qildi.
Aviakompaniyalarning munosabati
Aviakompaniyalar va aeroportlar Yevropa Ittifoqining yangi chegara nazoratlarini amalga oshirish usulini tanqid qildi.
Ryanair aeroportlar va chegara idoralariga yetarli vaqt berilishi uchun EES bo‘yicha imtiyoz muddatini kamida 2027-yil apreliga qadar uzaytirishga chaqirdi.
Ryanair operatsiyalar bo‘yicha direktori Neal Makmahon jarayon boshidan oxirigacha halokatli kechganini va ogohlantirishlar e’tiborga olinmaganini ta’kidladi.
