Vazirlik bayonotida Rossiya armiyasi tun davomida Ukrainaning port infratuzilmasi va Ukraina Qurolli Kuchlari ehtiyojlari uchun foydalanilayotgan kemalarga uchuvchisiz uchish apparatlari bilan hujumlarni davom ettirgani qayd etildi.
Bayonotda Chernomorsk portida uchuvchisiz dengiz apparatlari ishlab chiqariladigan obyektga zarba berilgani, shuningdek, Ukraina armiyasi ehtiyojlari uchun Odessa portiga yuk olib ketayotgan quruq yuk kemasi ham harakatlanayotgan paytda nishonga olingani bildirildi.
Vazirlikning boshqa bir bayonotida esa Rossiya havo mudofaasi tizimlari tun davomida Moskva va uning atrofi hamda boshqa hududlarda Ukrainaning 616 ta uchuvchisiz uchish apparatini yo‘q qilgani ma’lum qilindi.
