Istanbul shahar munitsipaliteti meri Ekrem Imamo‘g‘li korrupsiyada ayblanib hibsga olindi. U korruptsiya bilan bog'liq ayblovlar doirasida juma va shanba kunlari Istanbul politsiya boshqarmasida ko'rsatma berdi. Istanbul shahar munitsipaliteti meri Ekrem Imamo‘g‘li chorshanba kuni qo’lga olinganidan so‘ng munitsipalitetdagi korrupsiya tergovi doirasida hibsga olindi.
Istanbul Bosh prokuraturasi o'zining rasmiy bayonotida quyidagicha bayonot berdi:
"Bosh prokuraturamiz tomonidan o'tkazilgan tergov doirasida, gumonlanuvchi Ekrem Imamo'g'lini uyushgan jinoiy tashkilot tuzish, pora olish, huquqqa hilof ravishda ma'lumotlarni o'zlashtirish va tenderda qalbakilikda ayblab hibsga olishga qaror qilindi.
Istanbul Bosh prokuraturasi, Ekrem Imamo‘g‘li va boshqa 99 gumonlanuvchiga nisbatan; jinoiy tashkilot tuzish va unga rahbarlik qilish, jinoiy tashkilotga a’zolik, poraxo‘rlik, firibgarlik, shaxsiy ma’lumotlarni qonunga xilof ravishda qo‘lga kiritish va ochiq tender savdolarida qoidabuzarliklarga yo‘l qo‘yish jinoyatlari yuzasidan tergov boshladi.
Xavfsizlik boshqarmasida so'roqqa tutilgandan so'ng, ko'plab gumondorlar Chag'layandagi Istanbul sud binosiga yuborildi va u yerda jinoiy sudga topshirildi.
PKK/KJK terror tashkiloti bilan aloqasi borligi taxmin qilingan Imamo‘g‘li, shuningdek, PKK/KJK terror tashkilotining shaharlardagi ta'sirini oshirishni maqsad qilgan "shahar konsensusi" deb nomlangan tashabbusda ishtirok etganlikda ayblanmoqda.
Sud juma va shanba kunlari Istanbul politsiya boshqarmasida korruptsiya ayblovlari bo'yicha guvohlik bergan Imamo'g'lini hibsga olishga qaror qildi.
Keyinroq Imamo‘g‘li qo‘shimcha so‘roq qilish uchun Istanbul Bosh prokuraturasiga yuborilgan va boshqa 99 gumonlanuvchi bilan birga sudda ifoda bergan.
Tergov doirasida hibsga olinganlar orasida Istanbul shahar munitsipaliteti sho‘basi Medya AŞ raisi va Imamo‘g‘lining maslahatchisi Murat Ongun va Imamo‘g‘li qurilish kompaniyasi bosh direktori Tunjay Yilmaz ham bor. Imamo'g'li va boshqa gumonlanuvchilar ayblovlarni rad etishdi.
