Ma’lumotlarga ko‘ra, 247 ishchi faoliyat yuritgan shaxtada dastlabki aniqlashlarga ko‘ra 82 nafar ishchi halok bo‘lgan.

Ko‘chki ostida qolgan ishchilarni qidirish va qutqarish ishlari davom etmoqda. Qurbonlar soni ortishi mumkinligidan xavotir bildirilmoqda.

Xitoy Davlat rahbari Shi Szinpin e’lon qilgan bayonotida qidiruv-qutqaruv ishlariga barcha imkoniyatlarni safarbar qilish hamda yaradorlarni davolash bo‘yicha ko‘rsatma berdi.

Shi qutqaruv ishlari tartibli va samarali olib borilishi kerakligini ta’kidlab, portlash sabablari yuzasidan keng qamrovli tergov o‘tkazilishi va aybdorlarning qonun oldida javob berishi zarurligini bildirdi.

Shuningdek, u mamlakat bo‘ylab barcha mahalliy boshqaruv idoralari va tegishli tashkilotlar ushbu hodisadan saboq chiqarishi hamda mehnat xavfsizligi choralarini kuchaytirishi kerakligini qayd etdi.

Shi yirik falokatlarning oldini olish uchun ehtimoliy xavflarni oldindan aniqlash va bartaraf etish muhimligini ham ta’kidladi.