Armiya tomonidan e’lon qilingan yozma bayonotda Voronejdagi bir zavodga yuqori aniqlikdagi qanotli raketalar orqali zarba berilgani ma’lum qilindi.
Bayonotda ushbu zavod havo mudofaa tizimlari uchun, jumladan ballistik va qanotli raketalar ishlab chiqarishda qo‘llaniladigan turli komponentlarni ishlab chiqarishi ta’kidlanib, mavzu shunday deyiladi:
«Ushbu korxona Rossiya harbiy - sanoat majmuasining muhim tarkibiy qismidir».
Shuningdek, Rossiya armiyasi mazkur zavodda ishlab chiqarilgan va elektron komponentlarni o‘z ichiga olgan raketalardan Ukrainaga qarshi havo hujumlarida foydalanayotgani ilgari surildi.
Rossiya: Ukrainaning raketa hujumi natijasida Voronejda 3 kishi yaralandi
Rossiyaning Voronej viloyati gubernatori Aleksandr Gusev ijtimoiy tarmoqdagi sahifasi orqali bergan bayonotida, Ukrainaga tegishli yuqori tezlikda harakatlanuvchi bir nechta havo nishonlari yo‘q qilinganini ma’lum qilgan holda mavzu haqida:
«3 kishi yaralandi. Ulardan birining ahvoli og‘ir» - dedi.
Gusevning bildirishicha, hujum oqibatida Voronejdagi bir ishlab chiqarish korxonasi hamda bir nechta ko‘p qavatli turar joy binolari ziyon ko‘rgan.
Ayrim ijtimoiy tarmoq kanallarida hujum Buyuk Britaniyada ishlab chiqarilgan «Storm Shadow» (Bo‘ron soyasi) qanotli raketalari yordamida amalga oshirilgani haqidagi iddaolar tarqatilgan.
