Tashqi Ishlar vaziri Hakan Fidan ijtimoiy tarmoqdagi sahifasida samolyotda olingan fotosuratlari bilan bo‘lishdi.
Hakan Fidan unda: «Istanbulda bo‘lib o‘tgan Makka mudofaa ittifoqining Strategik siyosiy va mudofaa qo‘mitasi yig‘ilishidan so‘ng, Milliy mudofaa vazirimiz bilan birgalikda Shanxay Hamkorlik Tashkiloti sammitida ishtirok etayotgan Prezidentimizga hamrohlik qilish uchun Bishkekka ketyapmiz. Ushbu safarda Pokiston Tashqi Ishlar vaziri, birodarim Ishoq Dar ham biz bilan birga. Istanbulda boshlangan maslahatlashuvlarimizni Bishkekka ketayotgan yo‘limizda ham davom ettiryapmiz», — deb yozdi.
Turkiya, Pokiston va Saudiya Arabistonining tashqi ishlar va mudofaa vazirlari hamda Bosh shtab boshliqlari kecha Istanbulda Makka qo‘shma mudofaa kelishuvi asosida tuzilgan Strategik siyosiy va mudofaa qo‘mitasi doirasida yig‘ilgan edi.
