Mahalliy manbalarga ko‘ra YPG terror tashkiloti tomonidan Suriyaning shimoli - sharqida joylashgan Hasaka viloyatida kamikadze insonsiz havo transporti orqali amalga oshirilgan hujum oqibatida tinch aholidan yetti kishi halok bo‘ldi.
Manbalar hujum al - Nashva mahallasida joylashgan ot fermasini nishonga olganini bildirdi.
Hujum natijasida ko‘pchilik tan jarohati oldi va ular orasida ayollar va yosh bolalar ham borligi aniqlandi.
Mazkur voqea Suriyaning prezidentlik apparati Matbuot xizmati tomonidan seshanba kuni (20.01.2026) YPG terror tashkiloti bilan murosaga erishilgani ham da shu doirada Hasakaning amaliy integratsiyasiga qaratilgan yo‘l xaritasi ustida ishlash uchun tashkilotga to‘rt kunlik muddat berilgani, bu davr mobaynida o‘t ochishni to‘xtatish qoidasiga amal qilishini e’lon qilganidan keyin qayd etildi.
YPG terror tashkiloti Turkiya, AQSh, Buyuk Britaniya va Yevropa ittifoqi tomonidan terror tashkiloti sifatida tan olingan PKKning Suriyadagi qanoti hisoblanadi.
