Turkiya Vitse-prezidenti Jevdet Yilmaz bugun, 17 sentyabr chorshanba kuni Qirg’iziston poytaxti Bishkekka jo’nab ketadi.

Oliy martabali mehmon tashrifning birinchi kunida Ata-Beyit milliy tarixiy yodgorlik majmuasidagi Urkun yodgorligi va atoqli qirg’iz yozuvchisi Chingiz Aytmatov qabrini ziyorat qiladi.

Jevdet Yilmaz Qirg‘iziston prezidenti Sadir Japarov tomonidan qabul qilinadi.

Shuningdek, Qirg‘iziston-Turk Manas universitetining 30 yilligiga bag‘ishlangan katta konsert dasturini tomosha qiladi hamda Qirg‘iziston poytaxti Bishkekda turk ishbilarmon doiralari vakillari bilan uchrashadi.

Jevdet Yilmaz tashrifining ikkinchi kuni, 18 sentyabr payshanba kuni Qirg’iziston Vazirlar Kengashi Raisi Adilbek Kasimaliyev bilan uchrashadi va Turkiya-Qirg’iziston qo’shma iqtisodiy komissiyasining 12-sessiyasi va protokol imzolash marosimida ishtirok etadi.

Jevdet Yilmaz shu kunning oʻzida Turkiya-Qirgʻiziston biznes forumida ham ishtirok etadi, Qirg‘iziston-Turk Manas universitetiga tashrif buyuradi, Turkiy Davlatlar Tashkilotiga aʼzo davlatlar hukumat rahbarlari, vitse-prezidentlari yigʻilishida ishtirok etadi.

Qolaversa, Qirgʻiziston Prezidenti Sadir Japarov bilan o’tkaziladigan qoʻshma yigʻilishda ishtirok etadi.