Turkiya Kolumbiyaning Go‘lan tepaliklaridagi Isroil ishg‘olini qonuniylashtirishga qaratilgan bayonotini keskin qoraladi va bu hudud Suriyaning ajralmas bir qismi ekanini ta’kidladi.
Tashqi Ishlar vazirligi seshanba kuni o‘z internet saytida e’lon qilgan bayonotida: «Birlashgan Millatlar Tashkiloti Xavfsizlik kengashining 497 - sonli rezolyutsiyasi bosh bo‘lish bilan birga xalqaro huquqning jiddiy buzilishini tashkil etuvchi bunday urinishlarning hech qanday huquqiy kuchi yo‘qdir» - degan ifodalarga o‘rin berdi.
Vazirlik bayonotida Isroilning Go‘lan tepaliklari, shuningdek, Suriya janubidagi ishg‘oli hamda mamlakat mustaqilligi va barqarorligiga qarshi hujumlarini to‘xtatish uchun xalqaro hamjamiyatni yana bir bor o‘z zimmasidagi vazifani bajarishga chaqirdi.
Bayonotda, shuningdek: «Turkiya Suriyaning hududiy yaxlitligi va mustaqilligini saqlash hamda mamlakatda doimiy tinchlik va barqarorlikni ta’minlash borasidagi qo‘llab - quvvatlashini davom ettiradi» - deyiladi.
Xalqaro huquqning buzilishi
Dushanba kuni Kolumbiya 1967 - yildan buyon Isroil harbiy ishg‘oli ostida bo‘lgan Suriyaga tegishli Go‘lan tepaliklari ustidan Isroil mustaqilligini rasman tan oldi.
Suriya bilan bir qatorda Saudiya Arabistoni, Misr va Qatar kabi ko‘plab mintaqaviy davlatlar esa ushbu qarorni xalqaro huquq va tegishli BMT rezolyutsiyalarining buzilishi sifatida baholab, qoraladi.
Isroil tomonidan 1981 - yili bir tomonlama anneksiya qilib olingan Go‘lan tepaliklari, xalqaro nizolarning markazida qolmoqda.
Kolumbiyaning Isroilparast yangi prezidenti Abelardo de la Espriella yaqinda Falastinda ochilishi rejalashtirilgan elchixona faoliyatini to‘xtatish haqida ko‘rsatma berdi.
