Ozarbayjon Isroil hukumatining «Arman genotsidi» deb ataluvchi voqealarni tan olish to‘g‘risidagi qarorini tanqid qilib, Tel - Avivni ushbu qarorni qayta ko‘rib chiqishga chaqirdi.
Ozarbayjon Tashqi Ishlar vazirligi dushanba kuni e'lon qilgan bayonotda 1915 - yil voqealariga oid tarixiy haqiqatlarni buzib talqin qiluvchi ushbu qarordan jiddiy xavotirda ekani qayd etildi.
Bayonotda: «1915 - yil voqealariga oid tarixiy haqiqatlarning buzib talqin qilinishi ham - da murakkab tarixiy jarayonlarning huquqiy va ilmiy asoslardan yiroq siyosiy qarorlar mavzusiga aylantirilishini qabul qilish imkonsiz», — deyiladi.
Vazirlik bunday qarorlar yarashuv va o‘zaro anglashuvga xizmat qilmasligi, aksincha, mavjud ziddiyatlarni yana - da chuqurlashtirib, mintaqada barqaror tinchlikni ta'minlash yo‘lidagi sa'y - harakatlarga to‘sqinlik qilishini ta'kidladi.
Bayonotda Isroil hukumati ushbu qarorni qayta ko‘rib chiqishga chaqirilar ekan, Boku tarixiy haqiqatlarni himoya qilish, xalqaro huquq tamoyillariga hurmat ko‘rsatish ham - da Janubiy Kavkazda barqaror tinchlikni qaror toptirish yo‘lidagi sa'y - harakatlarini davom ettirishi bildirildi.
«Ozarbayjon tarixiy haqiqatlarni himoya qilish, xalqaro huquq tamoyillariga hurmat ko‘rsatish va mintaqada barqaror tinchlikni rag‘batlantirish borasidagi izchil pozitsiyasini bundan buyon ham davom ettiradi», — deyiladi bayonotda.
