Turkiya bir tomondan NATO tarixidagi eng muhim yig‘inlardan biriga tayyorgarlik ko‘rayotgan bo‘lsa, ikkinchi tomondan alyansning imkoniyatlari va salohiyatini oshirish borasida juda qimmatli loyihalarga qo‘l urmoqda.
O‘zi ishlab chiqargan sun’iy yo‘ldosh aloqa tizimlari bilan dunyodagi sanoqli markazlardan biriga aylangan "CTECH" kompaniyasining yechimlari NATO uchun hayotiy ahamiyatga ega.
"Turkiya va Fransiyadan boshqa buni qila oladigan davlat yo‘q"
"CTECH" bosh direktori Juneyd Fırat o‘zlari ishlab chiqqan tizimning nima uchun muhimligini tushuntirib, diqqatga sazovor jihatlarga to‘xtaldi:
"NATOning bevosita o‘z armiyasi yo‘q. NATO ixtiyoridagi asosiy kuch — qo‘mondonlik boshqaruvi va aloqa infratuzilmasidir. Mana, biz ushbu aloqa ekotizimidagi eng mas’uliyatli vazifalardan birini o‘z zimmamizga oldik. Elektron to‘siqlarga chidamli, xavfsiz sun’iy yo‘ldosh modemini ishlab chiqarib, uni NATO xizmatiga taqdim etdik. Biz yaratgan bu tizim — shu vaqtgacha Turkiya tomonidan NATOga berilgan eng yuqori texnologiya hisoblanadi".
NATO talablarini to‘liq bajara oladigan bu tizimni faqat Turkiya va Fransiya ishlab chiqqanini va bu holatni NATOning o‘zi rasman e’lon qilganini ta’kidlagan Fırat, bu raqobatda Turkiya ustun kelganini aytdi. U NATO kabi nufuzli xalqaro mijozga ega bo‘lish orqali yangi imkoniyatlarga yo‘l ochganliklarini qayd etdi.
Eslatib o‘tamiz, poytaxt Anqara 7–8-iyul kunlari NATO Liderlar sammitiga mezbonlik qiladi.
