Turkiya Eksportchilar Majlisi (TİM) ma’lumotlariga ko‘ra, mamlakatning umumiy eksporti yilning dastlabki 4 oyida 2025-yilning shu davriga nisbatan 3 foizga oshib, 88 milliard 630 million dollarga ko‘tarildi.

Mazkur davrda YI mamlakatlariga eksport 6,31 foiz o‘sish bilan 35 milliard 225 million dollarni tashkil etdi.

YIga eng katta eksport 10 milliard 284 million dollar bilan avtomobil sanoati tomonidan amalga oshirildi. Undan keyin 4 milliard 621 million dollar bilan kimyo mahsulotlari, 3 milliard 176 million dollar bilan tayyor kiyim-kechak, 2 milliard 681 million dollar bilan temir va rangli metallar, 2 milliard 610 million dollar bilan elektr va elektronika, 2 milliard 230 million dollar bilan po‘lat, 1 milliard 342 million dollar bilan mashina va uskunalar sektori keldi. Ushbu tarmoqlarning YI mamlakatlariga umumiy eksportdagi ulushi 30,49 foizni tashkil etdi.

Yanvar–aprel davrida YI mamlakatlari orasida eng katta eksport Germaniyaga amalga oshirildi. Bu davlatga eksport 7,2 foizga oshib, 6 milliard 769 million dollarga yetdi. Germaniyadan keyin 4,5 milliard dollar bilan Italiya, 3,5 milliard dollar bilan Ispaniya, 3 milliard 484 million dollar bilan Fransiya va 2 milliard 443 million dollar bilan Ruminiya o‘rin oldi.