Erdo‘g‘an ijtimoiy tarmoqlardagi tabrigida ushbu saylovning ikki davlat va kengroq mintaqa uchun foydali bo‘lishiga umid bildirganini aytdi.
“Bu saylov SKTRning demokratik yetukligini yana bir bor namoyish etdi va turk kiprlik birodarlarimizning erkin irodasini aks ettirdi. Turkiya har bir platformada ShKTRning suveren huquqlari va manfaatlarini turk kiprlik xalqi bilan birgalikda himoya qilishda davom etadi,” — dedi u.
ShKTR Oliy Saylov Kengashining norasmiy natijalariga ko‘ra, Erhurman 62,76 foiz ovoz bilan amaldagi prezident Ersin Tatarni (35,81 foiz) mag‘lub etib, g‘alaba qozondi.
Turkiya vitse-prezidenti Jevdet Yilmaz ham saylov natijalarini olqishlab, bu ShKTR va uning fuqarolarining siyosiy yetukligini yana bir bor tasdiqlaganini ta’kidladi:
“Saylovlar SKTRning davlat sifatidagi yetukligini ko‘rsatdi. Ona vatan va kafolatchi davlat sifatida biz SKTRni va turk kiprlik xalqini qat’iy qo‘llab-quvvatlashda davom etamiz,” — dedi u.
Turkiya Tashqi ishlar vazirligi ham alohida bayonot bilan chiqib, Erhurmanni tabrikladi va Turkiya “ona vatan va kafolatchi” sifatida turk kiprlik xalqining farovonligi hamda rivojlanishi uchun o‘z mas’uliyatlari doirasida harakat qilishda davom etishini bildirdi.
Saylovdan so‘ng Erhurman, Turkiya bilan maslahatlashmasdan turib, Shimoliy Kiprga oid hech qanday tashqi siyosiy qaror qabul qilinmasligini va’da qildi.
“Mening davrimda Kiprga oid tashqi siyosat yoki bu masaladagi har qanday pozitsiya Turkiya bilan maslahatlashmasdan belgilanmaydi,” — dedi u.
Shuningdek, Erhurman Prezident Erdo‘g‘an, Vitse-prezident Yilmaz va Tashqi ishlar vaziri Hakan Fidanning tabriklari uchun minnatdorchilik bildirdi. U ShKTR va Turkiya o‘rtasidagi munosabatlar “yanada mustahkamlanishda davom etishini” aytib, buni o‘z rahbarligining “asosiy vazifasi” deb atadi.
Turkiya Parlament Spikeri Numan Kurtulmush ham Erhurmanni tabriklab, saylov natijalari ShKTR, Turkiya va kengroq turkiy dunyo uchun ijobiy natijalar olib kelishiga umid bildirdi.
Turkiya Aloqa direktori Burhanettin Duran esa saylovning tinch o‘tganini “turk kiprlik demokratiyasining yetukligining kuchli dalili” deb baholadi.
