Xavfsizlik manbalariga ko‘ra Turkiya Respublikasi Milliy Razvedka Tashkiloti (MRT) rahbari Ibrahim Kalin Istanbulda Falastin qarshilik harakati Xamas delegatsiyasi bilan uchrashdi.
Kalin shanba kuni (24.01.2026) Xamas Siyosiy byurosi a’zosi va muzokaralar delegatsiyasi rahbari Xalil al - Hayya ham da unga hamrohlik qilgan delegatsiya a’zolari bilan muzokaralar o‘tkazdi.
Uchrashuvlarda ikkinchi bosqichga o‘tgan G‘azodagi otashkesim kelishuvi muhokama qilindi. Tomonlar insonparvarlik yordamini ko‘paytirish, Rafoh chegara darvozasining ikki tomonli ochilishi, G‘azo Milliy boshqaruv qo‘mitasining faoliyat boshlashi va boshqa tegishli masalalarda muvofiqlashtirilgan holda ishlash borasida kelishib oldi.
Yana xuddi shu uchrashuv paytida Xamas delegatsiyasi G‘azoda tinchlik o‘rnatish yo‘lidagi sa’y - harakatlarda Turkiyaning o‘rtamchilik va kafillik roli, shuningdek, rejaning ikkinchi bosqichida Anqaraning tobora ortib borayotgan ulkan hissasi uchun Turkiya Prezidenti Rejep Tayyip Erdo‘g‘anga chuqur minnatdorlik bildirdi.
Eslatib o‘tamiz 2023 - yilning oktabr oyidan beri Isroil armiyasining G‘azoga qarshi uyushtirgan hujumlari oqibatida falastinlik 71 ming nafardan ortiq inson halok bo‘ldi; 171 ming nafardan ortiq inson esa tan jarohati oldi. Eng yomoni, halok bo‘lganlarning ko‘pchiligi ayollar va yosh bolalardn iborat.
Sog‘liqni Saqlash vazirligi ma’lumotiga ko‘ra o‘tgan 2025 - yilning 10 - oktabrida boshlangan otashkesimga qaramay Isroil hujumlarini haligacha davom ettirmoqda. Shu doirada va xuddi shu jarayonda falastinlik yana 481 kishi o‘ldirildi va 1 ming 313 nafar inson tan jarohati oldi.
