Rossiya, Ukraina sharqidagi Donetsk viloyatidagi Pokrovsk shahrida taraqqiyotga erishganini iddao qildi. Pokrovsk, bir yildan ortiq vaqt davomida shiddatli janglar sahnasi bo‘lib kelmoqda.
Rossiya Mudofaa vazirligi dushanba kuni (03.11.2025) Rossiya kuchlari shaharning Prigorodniy mahallasiga kirib borgani va o‘z pozitsiyalarini mustahkamlagani haqida bayonot berdi. Shuningdek, shaharning temir yo‘l vokzali va sanoat zonasi yaqinida janglar davom etayotgani qayd etildi.
O‘tgan hafta Ukraina Prezidenti Vladimir Zelenskiy front chizig‘ida joylashgan shahardagi vaziyat nazorat ostida ekanini ma’lum qildi va shahar qurshab olingani haqidagi iddaolarni rad etdi.
Moskva, mojarolar davom etgan shahardagi hujumlarda hududiy yutuqlarga erishganini bir necha bor ta’kidlagandi.
Pokrovsk, Ukrainaning Donetsk viloyatidagi harbiy amaliyotlari uchun muhim logistik markaz sifatida xizmat qiladi.
Ukraina rasmiylari, Rossiyaning so‘nggi iddaosi ustidan hali hanuz izohot bermadi. Mutaxassislarning ta’kidlashicha 2022 - yilning fevral oyida Rossiyaning ishg‘oli bilan boshlangan mojaro tufayli mustaqil tekshirish juda murakkab ekani qayd etilmoqda.
Rossiya Mudofaa vazirligi shuningdek, kechasi bilan Ukrainaning harbiy sanoat ta’sislari, gaz va energetika infratuzilmasi, harbiy aeroport infratuzilmasi, qurol - yarog‘ va harbiy texnika ta’mirlash ta’sislarinini nishonga olgan havo hujumlari uyushtirganini iddao etdi.
Ukraina Rossiyaning yangi havo hujumlari haqida ma’lumot bo‘lishdi
Shu bilan birga, Ukraina rasmiylari shimoli - sharqdagi Sumi viloyati ham doxil turli hududlarda tun bo‘yi havo hujumlari uyushtirilganini ma’lum qildi. Sumi viloyatidagi Trostianets aholi punktida bir kishi halok bo‘lar ekan, janubdagi Nikolayev viloyatida energetika infratuzilmasi shikastlandi va 12 ta aholi punktida elektr uzilishlari kuzatildi.
Oxirgi oylarda, qish yaqinlashib kelayotgan bir paytda, Rossiya bilan Ukraina bir - birining energetika infratuzilmasiga bo‘lgan hujumlarini kuchaytirdilar.
Ukraina Bosh shtabi ilgari bergan bayonotlaridan birida Saratov neftni qayta ishlash zavodiga qarshi tun bo‘yi hujum uyushtirgani va obyektga zarba berganini iddao qildi.
Saratov gubernatori Ro‘man Busargin, mintaqada dron hujumi xavfi haqida ogohlantirgandi ammo obyekt yoki hujumning oqibatlari haqida gapirmadi.
Rossiya Mudofaa vazirligi esa alohida bergan bayonotida, uning havo mudofaasi tizimlari kechasi bilan Ukrainaning 64 ta insonsiz havo transportiga monelik qilgani va ulardan 29 tasi Saratov viloyati ustida urib tushirilganini bildirdi.
