Turkiya Milliy Mudofaa vazirligi Shimoliy Kipr Turk Respublikasiga (ShKTR) 6 dona F - 16 harbiy samolyoti bilan havo mudofaa tizimi joylashtirilganini tasdiqladi.
Bu qaror Yaqin Sharqdagi urush davom etayotgan bir paytda ShKTR xavfsizligini bosqichma - bosqich kuchaytirishga qaratilgan rejaning bir qismi hisoblanadi.
Vazirlik mavzu haqida bergan bayonotida, joylashtirish ishlari mintaqadagi so‘nggi voqealar doirasida amalga oshirilgani ifoda etgan holda bundan keyingi jarayonga qarab o‘tkaziladigan baholashlar natijasida zarurat tug‘ilgudek bo‘lsa yana qo‘shimcha choralar ko‘rilishi mumkinligi ta’kidlandi.
Bayonotda shuningdek, mintaqaviy keskinlik kuchayib borayotgan bir paytda Kipr turklarining xavfsizligini mustahkamlash muhim ekani alohida qayd etildi.
Mudofaa vazirligi bayonoti davomida: «Vaziyatga qarab o‘tkaziladigan baholash natijalariga ko‘ra, zarurat tug‘ilgudek bo‘lsa unda qo‘shimcha choralar ko‘rishda davom etiladi», - degan ifodalarga o‘rin berdi.
Bu qaror Eronga qarshi davom etgan Isroil - Amerika Qo‘shma Shtatlari urushi va Eronning Turk - harbiy havo sohasiga kirishdan oldin monelik qilingan raketa hujumlari ham doxil Sharqiy O‘rta yer dengizidagi barqarorsizlik avj olgani haqidagi xabarlar ortidan qayd etildi.
Janubiy Kipr hududida esa Buyuk Britaniyaga oid harbiy baza mavjud.
Bundan roppa - rosa 43 yil muqaddam, boshqacha qilib aytganda 1983 - yili tashkil etilgan va dunyo miqyosida faqatgina Turkiya tomonidan tan olingan Shimoliy Kipr Turk Respublikasi, 1960 - yildagi Kafolat shartnomasi doirasida Anqaraning kafillik maqomi doirasida anchadan beri Turk Qurolli kuchlariga mezbonlik qilmoqda.
