Ruminiya Mudofaa vazirligi seshanba kuni (25.11.2025), havo kuzatuv tizimlari Ukraina chegarasi yaqinida mamlakatning havo hududiga ikki dona shubhali insonsiz havo transporti kirganini aniqlaganini ma’lum qildi.

Vazirlikka ko‘ra noma’lum birinchi insonsiz havo tranporti ertalab Tulcha viloyati ustida qayd etilgan; u Ukrainadagi Valkov hududidan Ruminiya havo makoniga kirib, Chilia Veche tomon yo‘nalgan.

Soat 06:28 da (GMT 04:28), Mihail Kogelnichanu aviabazasida joylashgan Germaniyaning ikki dona Eurofighter Typhoon samolyoti vaziyatni baholash uchun hududga jo‘natildi. Rasmiylar Tulchadagi fuqarolarga ogohlantirish xabari yubordi.

Soat 07:11 da (GMT 05:11) Typhoon uchuvchilari maqsad bilan radar aloqasi o‘rnatilganini bildirdi; biroq ular nishonning yana Ukraina hududiga o‘tib ketgani va hozirda Ruminiya havo sohasida emasligini tasdiqlashdi.

Ko‘p o‘tmay ikkinchi hodisa ro‘y berdi.

Mudofaa radar tizimlari ikkinchi buzilishni soat 07:50 da Galats hududida aniqladi. F - 16 qiruvchilari ko‘p o‘tmay nomi tilga olingan nishon bilan radar aloqa o‘rnatdi.

Mudofaa vazirligi vaziyat faol ravishda kuzatilayotgani, Ruminiya bilan NATOning havo mudofaa tizimlari mamlakat sharqiy chegarasi bo‘ylab yuz berayotgan voqealarni yaqindan kuzatishda davom etishini bildirdi.