Otashkesimga qaramay Isroil armiyasi tomonidan G‘azo sektoriga qarshi uyushtirilgan so‘nggi hujumlarda halok bo‘lganlar soni 3 nafarga yetdi.

Shifoxona manbalaridan olingan ma’lumotlarga ko‘ra Isroil armiyasi bugun ertalab Xon Yunus shahrining g‘arbida joylashgan Mavasi hududida harbiy bo‘lmagan avtomobilini nishonga olgan hujumda yana falastinlik bir kishi halok bo‘lgan.

So‘nggi qurbon bilan Mavasidagi hujumda halok bo‘lganlar soni 2 nafarga yetdi.

Bundan tashqari, Isroil askarlarining kecha kechqurun Xon Yunus shahrining shimolidagi Satir hududida o‘q uzishi oqibatida yaralangan Yahyo Abu Sumur (24 yosh) bugun ertalab vafot etdi.

Isroil armiyasi 2025 - yilning 10 - oktabrida kuchga kirgan otashkesim yoki sulhga qaramay, deyarli har kuni G‘azo sektoriga qarshi hujumlar uyushtirishda davom etmoqda.