Turkiya Tashqi Ishlar vaziri Hakan Fidan Istanbulda Bolqon Tinchlik platformasining Tashqi Ishlar vazirlari yig‘ilishi doirasida Bosniya - Gersegovina, Serbiya, Shimoliy Makedoniya va Chernogoriya Tashqi Ishlar vazirlari bilan alohida - alohida uchrashuvlar o‘tkazdi.

Turkiya Tashqi Ishlar vazirligining «X» ijtimoiy tarmoqdagi rasmiy sahifasi orqali berilgan bayonotga ko‘ra Hakan Fidan shanba kuni Bosniya - Gersegovinadan Elmedin Konakovich, Serbiyadan Marko Durich, Shimoliy Makedoniyadan Timcho Mujunski va Chernogoriyadan Ervin Ibrahimovich bilan uchrashdi.

Mazkur uchrashuvlar Turkiya tashabbusi bilan Istanbulda boshlatilgan va bir necha Bolqon davlati ishtirokida tashkil etilgan Bolqon Tinchlik platformasining ilk sessiyasi doirasida o‘tkazildi.

Platforma mintaqadagi davlatlar o‘rtasidagi muloqot, o‘zaro ishonch va hamkorlikni mustahkamlash hamda mintaqadagi umumiy muammolarga barqaror yechimlar topishni maqsad qilgan.