Ismoil Baqoiy poytaxt Tehronda uyushtirilgan haftalik matbuot anjumanida jurnalistlarning savollariga javob berdi.
AQSh bilan o‘rtamchi davlatlar orqali davom etayotgan xabar almashinuvi haqida fikr bildirgan Baqoiy, faqatgina Eron xalqining huquqlari kafolatlangan kelishuvni imzolashlari va amalga oshirishlarini ta’kidladi.
Baqoiy o‘z so‘zida shuningdek: «O‘rtamchi davlatlar Pokiston va Qatar bilan maslahatlashuvlar davom etmoqda», — dedi.
AQSh Davlat kotibi Marko Rubioning Eron talablarini «haddan tashqari va kulgili» deb baholagani haqidagi savolga javoban Baqoiy quyidagilarni qayd etdi:
«Muzokaralar boshlanishidan oldin AQShning noqonuniy sanksiyalarini bekor qilish, dengiz blokadasini olib tashlash va barcha jabhalarda urushni to‘xtatish talablarining nimasi mantiqsiz? Eronning ikki kunlik rejasi muzokaralar stolida turgan eng mantiqli taklifdir. Mantiqsizlik shundaki, AQSh muzokaralar davom etayotgan bir paytda Eronga hujum qildi».
Baqoiy muzokaralarga nisbatan Eronning pozitsiyasi aniq va ochiq ekanini ta’kidlab, «ikki kunlik reja» deb atalgan taklif Eronning yaxshi niyatini namoyon etishini bildirdi.
Isroilning «kimyoviy qurol» haqidagi iddaosi
Isroilning Eron kimyoviy qurol qo‘llashi mumkinligi haqidagi iddaolarga ham munosabat bildirgan Baqoiy, Tel - Aviv ma’muriyatini «yolg‘on ustiga yolg‘on gapirishda» aybladi. Uning ta’kidlashicha, bunday iddaolarga javob berishning o‘zi ham shart emas.
Janubiy Koreya Ho‘rmuz bo‘g‘ozidagi inqirozga aralashmasligi kerak
Janubiy Koreya Ho‘rmuz bo‘g‘ozini qayta ochishga ko‘maklashish maqsadida mintaqaga harbiy - dengiz kuchlarini yuborishi mumkinligi haqidagi xabarlarga ham munosabat bildirgan Baqoiy, Seul ma’muriyatini harbiy aralashuvdan tiyilishga chaqirdi.
U bu borada quyidagilarni ta’kidladi: «Janubiy Koreya Ho‘rmuz bo‘g‘ozini ochishga yordam berish maqsadida mintaqaga harbiy kuch yuborishdan va allaqachon yetarlicha murakkab bo‘lgan bu masalaga aralashishdan tiyilishi kerak. Nafaqat Janubiy Koreya, balki boshqa davlatlar ham AQSh va sionistik rejimning vayronkor harakatlari oqibatlarini hisobga olishidan umidvormiz».
