«Anado‘lu» axborot agentligiga gapirgan guvohlarning aytishicha, Isroil kuchlari bosib olingan G‘arbiy Sohilning shimolida keng ko‘lamli bosqin uyushtirgan. Voqea oqibatida falastinlik qariyb 100 kishi hibsga olindi. Bu hodisa oxirgi oylarning eng yirik qo‘lga olish amaliyotlaridan biri sifatida tarix sahifalaridan joy oldi.
Isroil askarlari chorshanba kuni Nablus, Salfit, Ariha bilan bir qatorda Jenin, Tulkaram va Kalqiliyadagi bir necha qishloq bilan bir qatorda, bosib olingan Sharqiy Quddusning ikki mahallasiga bostirib kirgan. «Anado‘lu» axborot agentligi muxbirining xabar berishicha Isroil kuchlari Nablusda taxminan 50, Salfitda 15, Arihada 13 va bosib olingan Sharqiy Quddusda 20 kishini hibsga olgan; ularning ayrimlari so‘roq ortidan qo‘yib yuborilgan.
Jenin shahrida hibsga olinganlar orasida, 2006 – 2007-yillarda Falastin Bosh vazirining o‘rinbosari va Ta’lim vaziri bo‘lib ishlagan Nosir ash - Sha’ir ham bor. Guvohlarning aytishicha, ash - Sha’ir, qo‘yib yuborilishidan oldin bir necha soat davomida hibsda ushlab turilgan.
Isroilning noqonuniy ko‘chmanchilarining hujumlari davom etmoqda
So‘nggi hibsga olishlar, Isroilning bosib olingan G‘arbiy Sohildagi bosqinlarni G‘azoga qarshi olib borilgan shafqatsiz urush bilan birga kuchaytirgan bir davrga to‘g‘ri kelmoqda.
2023 - yilning oktabr oyidan beri bosib olingan G‘arbiy Sohilda Isroil armiyasi bilan noqonuniy ko‘chmanchilar tomonidan uyushtirilgan hujumlarda falastinlik kamida 1 ming 92 kishi halok bo‘lar ekan, qariyb 11 ming kishi tan jarohati olgan, 21 ming nafardan ortiq inson esa hibsga olingan.
Bu davrda xalqaro nazorat ham kuchaydi
Xalqaro Adliya Sudi o‘tgan yilning iyul oyida e’lon qilgan tarixiy maslahat xulosasida, Isroilning Falastin yerlarini bosib olishini noqonuniy deb topar ekan; bosib olingan G‘arbiy Sohil va Sharqiy Quddusdagi barcha ko‘chmanchi yashash punktlari bo‘shatilishni talab qildi.
