Venesuela Milliy Assambleyasi raisi Xorxe Rodriges yakshanba kuni ma’lum qilishicha, o‘tgan oy mamlakatda sodir bo‘lgan ikki kuchli zilzila qurbonlari soni 5 208 nafarga yetdi.
Rodriges o‘zining ijtimoiy tarmoqdagi sahifasida 16 740 kishi jarohatlanganini qayd etdi. Shuningdek, hukumat 128 324 oilaga yordam ko‘rsatganini hamda 107 ta vaqtinchalik boshpanada 23 820 nafar fuqaro joylashtirilganini ma’lum qildi. Rasmiylarning qo‘shimcha qilishicha, zilzilalardan keyin hududda jami 1 388 ta takroriy yer silkinishlari (aftershok) qayd etilgan.
"Atrof-muhitni tiklash rejasi" boshlandi
Venesuela Atrof-muhit vazirligi tabiiy ofatdan eng ko‘p zarar ko‘rgan La-Guaira qirg‘oq zonalarini qayta tiklash bo‘yicha ishlar boshlanganini ma’lum qildi. Vazirlik bayonotiga ko‘ra, qirg‘oqning ekologik muvozanatini tiklash maqsadida mahalliy o‘simlik turlarini ekish ko‘zda tutilgan.
Atrof-muhit vaziri Nelson Rodrigesning so‘zlariga ko‘ra, BMT Taraqqiyot Dasturi (UNDP) bilan hamkorlikda o‘tkazilgan tahlillarga ko‘ra, zilzila oqibatida hududda taxminan 2 106 000 tonna chiqindi va vayronalar to‘plangan.
Eslatib o‘tamiz, 24-iyun kuni Janubiy Amerika davlatini magnitudasi 7,2 va 7,5 bo‘lgan ikki kuchli zilzila larzaga keltirgan edi.
