Norvegiya polisiya Oslo shahridagi yirik savdo markazi qurolli hujumdan so‘ng bo‘shatilganini va gumonlanuvchining qo‘lga olinganini ma’lum qildi.
Oslo polisiya dushanba kuni ommaviy hodisalar bo‘yicha qaydnomasida shunday yozdi:
“Savdo markazining deyarli barcha qismini ko‘zdan kechirdik va jarohat olgan hech kimni topmadik.”

Hodisa Oslo shimolidagi Storo savdo markazida sodir bo‘lgan.
Polisiyaning ma’lum qilishicha, miltiqdan bitta o‘q uzilgan.

Hodisaning sababi va boshqa tafsilotlar hozircha noma’lum.
Polisiyaning aytishicha, hujumchining yolg‘iz harakat qilgani aniqlangan va u qo‘lga olingan.

Gumonlanuvchining shaxsi oshkor etilmadi.