Turkiya Respublikasi Prezidenti Rejep Tayyip Erdo‘g‘an, Isroil o‘z majburiyatlarini bajarmayotgani va G‘azoga gumanitar yordam yetkazib berilishiga ham ataylab monelik qilayotganini qayd etdi.
Erdo‘g‘an kecha (24.12.2025) Anqarada bo‘lib o‘tgan Adolat va taraqqiyot partiyasining kengaytirilgan viloyat raislari yig‘ilishida so‘zlagan nutqida: “Isroil hatto bunday gumanitar masalada ham va’dasida turmayapti. Gumanitar yordam yetkazib berilishiga turli soxta bahonalar bilan har doimgidek qiyinchilik tug‘dirib, monelik qilib kelmoqda”, - dedi.
Erdo‘g‘an: “11 - oktabrdan beri G‘azoda o‘t ochishni to‘xtatish e’lon qilinishiga qaramay, Isroil vayronaga aylantirgan aholi punktlarida muammolar hanuz davom etmoqda”, - degan ifodalarga o‘rin berdi. U shuningdek, Turkiya yaqin kunlarda falastinliklarga ko‘rsatiladigan yordam miqdorini yana - da oshirishini bildirdi.
Prezident mavzu haqidashuningdek:
“Barakali uch oy davomida Falastinga bo‘lgan yordamimizni yana - da orttiramiz. Turkiya sifatida biz bo‘yin egmaymiz, jim turmaymiz, unutmaymiz va G‘azoni hech qachon yolg‘iz qoldirmaymiz”, - deya gapirdi.
Erdo‘g‘an, Turkiyaning bu pozitsiyasi yana - da keng ko‘lamli gumanitar yordam siyosatining bir qismi ekanini ifoda etgan holda mamlakat muhtojlarga doimiy ravishda yordam ko‘rsatib kelayotganini o‘z so‘ziga ilova etdi.
U so‘zlari yakunida:
“Kavkazlardan Bolqonlargacha, Afrikadan Osiyogacha — qayerda va kim yoki kimlar qiyinchilikka duch kelsa, hech ikkilanmay yordamga chopdik. Bu holat kecha ham shunday edi, bugun ham shunday, ertaga ham aslo o‘zgarmaydi”, - dedi.
