Amerikaning CBS teleradiokompaniyasi payshanba kuni xabar berishicha, AQSh Prezidenti Donald Tramp "katta flotning" Eron tomon harakatlanayotganini aytganidan so‘ng, AQSh O‘rta Sharqqa yana bir harbiy kema yubordi.

CBS, ushbu harbiy kema "Arleigh Burke" toifasidagi "Aegis" boshqariladigan raketa esminetsi "USS Delbert D. Black" ekanligini ma’lum qildi.

CBS ma’lumotlariga ko‘ra, AQSh Markaziy Qo‘mondonligining javobgarlik hududida joylashgan boshqa AQSh kemalari orasida "USS Abraham Lincoln" aviatashuvchisi, "USS Spruance", "USS Murphy", "USS Frank E. Petersen", "USS McFaul" va "USS Mitscher" esminetslari hamda "USS Canberra", "USS Tulsa" va "USS Santa Barbara" qirg‘oqbo‘yi jangovar kemalari o‘rin olgan.

Pentagon, Tehron bilan tarangliklar davom etar ekan, mintaqaviy kuch holatida muhim o‘zgarish yasab, aviatashuvchi hujum guruhi, zamonaviy qiruvchi samolyot eskadrilyalari va raketa mudofaa batareyalarini mintaqaga joylashtirishni tezlashtirishda davom etmoqda.

Tramp chorshanba kuni "katta flotning" Eron tomon harakatlanayotganini takrorlab, Tehronning "stolga o‘tirib" Vashington bilan muzokara qilishiga umid bildirdi.

Mudofaa vaziri Pit Xegset (Pete Hegseth) payshanba kuni, Vashingtonning Eronning yadroviy qurolga ega bo‘lish harakatlariga to‘sqinlik qilish uchun "barcha variantlarni" ishga solishga tayyor ekanligini aytar ekan, diplomatik kelishuvning hamon imkonli ekanligini ta’kidladi.

AQSh harbiy rasmiylari yanvar oyi boshlarida mintaqaning katta to‘qnashuvga "tayyor emasligini" aytgan edi.

Eron armiyasi, taranglikning tez sur’atlar bilan kuchayishi fonida, har qanday hujumga "qat’iy va tezkor javob" qaytarilishi haqida ogohlantirdi.