Tayvanni o‘z hududi deb biladigan Pekin esa bu manevralar haqida izoh bermadi.Tayvan Prezidenti ma’muriyati matbuot kotibi Karen Kuo juma kuni jurnalistlarga, Tayvan Mudofaa vazirligi va boshqa xavfsizlik idoralari Xitoyning harakatlarini kuzatayotganini va vaziyat “to‘liq nazorat ostida” ekanini aytdi.
Kuo, Xitoy joylashtirgan kemalar sonini aytmadi, ammo ismini oshkor etishni istamagan xavfsizlik manbasi bu son “katta” ekanini bildirdi.
Kuo shuningdek, operatsiyalar faqat Tayvan bo‘g‘ozi bilan cheklanmayotganini, janubiy Sariq dengizdan Sharqiy Xitoy dengizigacha, u yerdan Janubiy Xitoy dengiziga, hatto G‘arbiy Tinch okeanigacha kengayganini aytdi.
Kotib: “Bu, haqiqatan ham, Hind-Tinch okeani mintaqasi va butun region uchun tahdid va ta’sir kuchiga ega”, — dedi. Tayvan Xitoyni “bosiqlikka” chaqirayotganini ham qo‘shimcha qildi. “Bu masalani yaxshi boshqarishga qodirmiz”, — dedi u.
Xitoy qurolli kuchlari va davlat medianing Tayvan Xitoy kemalarini aniqlaganini aytgan hududlarda harbiy faollik oshgani bo‘yicha hech qanday bayonot bermadi.
‘Yillik baholash mashg‘ulotlari’
Xitoy Mudofaa vazirligi vakili Szyan Bin juma kuni, flotning ochiq dengizdagi mashg‘ulotlari xalqaro huquqqa muvofiq ekanini va “ma’lum bir davlat yoki maqsadga qaratilmaganini” ta’kidladi.
Bin bu gapni, OAVda Avstraliyaga yo‘l olayotgani aytilgan Xitoy dengiz flotiga oid savolga javoban aytdi.
Xitoy Tashqi ishlar vazirligi matbuot kotibi esa Pekinning “barqaror mudofaa siyosatini” yuritayotganini, “tegishli tomonlarni” esa “keskin reaksiyalardan tiyilishga va… asossiz ravishda bo‘rttirilgan bayonotlardan voz kechishga” chaqirdi.
Xitoy Tayvanni kuch bilan qo‘lga olish ehtimolini istisno qilmaydi va Janubiy Xitoy dengizining deyarli butun qismi ustidan suverenlik da’vosini ilgari suradi.
Tayvan razvedka boshlig‘i Tsay Min-yen chorshanba kuni, oktabr–dekabr oylarini Xitoyning “yillik baholash mashg‘ulotlari” uchun “eng yuqori faollik davri” deb atadi.
Tsay, Xitoy Kommunistik partiyasining rasmiy tusdagi harbiy faoliyatni Tayvanga qarshi mashg‘ulotlarga aylantirishi mumkinligiga e’tibor qaratdi.
Tayvan o‘tgan yil dekabr oyida, taxminan 90 ta Xitoy harbiy va Sohil xavfsizlik kemalari keng ko‘lamli mashg‘ulotlarda ishtirok etganini, ularga xorijiy kemalarga hujum simulyatsiyalari va dengiz yo‘llarini to‘sish amaliyotlari ham kirganini ma’lum qilgan edi. Bu, Pekin yillar davomida o‘tkazgan eng yirik dengiz mashg‘ulotlaridan biri sifatida baholangandi.
Pekin o‘sha davrda mashg‘ulotlarning o‘tkazilgani haqida hech qanday bayonot bermagan edi.
Amerika Qo‘shma Shtatlari (AQSh) Tayvan xavfsizligining eng yirik qo‘llab-quvvatlovchisi hisoblanadi.
Biroq Prezident Donald Tramp ma’muriyati juma kuni e’lon qilingan strategiya hujjatida…
rishga ishora qildi.
