Rasmiy Gazetada chorshanba kuni (31.12.2025) e’lon qilingan prezident farmoniga koʻra, Turkiya, umumiy (oddiy) pasportga ega boʻlgan Xitoy fuqarolariga rasman turizm va tranzit maqsadlarida vizasiz sayohat qilish huquqi berdi.
Prezident Rejep Tayyip Erdoʻgʻan imzolagan yangi tartibga binoan, xitoylik tashrif buyuruvchilar 2026 - yilning 2 - yanvaridan boshlab istalgan 180 kunlik davr ichida koʻpi bilan 90 kungacha Turkiyada qolishlari mumkin.
Bu qadam xitoylik sayyohlar sonining keskin oshishi ortidan ikki davlat oʻrtasidagi turizm va savdo aloqalarini mustahkamlashni koʻzlaydi.
Rasmiy turk statistik ma’lumotlariga ko‘ra, 2024 - yili Turkiyaga qariyb 410 ming nafar xitoylik sayyoh kelgan bo‘lib, bu o‘tgan yilga nisbatan 65,1 foizlik o‘sish deganini anglatadi.
Statistikani sharhlagan mutaxassislar Xitoy Turkiyaning eng tez oʻsayotgan turizm bozorlaridan biriga aylanganini ta’kidlashmoqda.
Dunyo miqyosida tanilgan diqqatga sazovor maskanlar
Xitoyning Anqaradagi elchisi Jiang Syuebin Yangi yil munosabati bilan yo‘llagan tabrigida Turkiyaning xitoylik sayyohlar uchun jozibadorligini ta’kidlab, shunday dedi:
«Turkiyaning Xitoy fuqarolariga vizasiz rejim joriy etish qarorini katta mamnuniyat bilan qabul qildik. Bu Xitoy va Turkiya o‘rtasida diplomatik munosabatlar o‘rnatilishining 55 - yilligini nishonlash uchun ajoyib sovg‘adir. Ushbu muhim qadam xalqlar o‘rtasidagi aloqalarni yana - da kuchaytirishi va ikki mamlakat o‘rtasidagi chuqur do‘stlikni yana - da mustahkamlashiga chin dildan ishonaman».
Elchi Jiang, Turkiyaning qadimiy sivilizatsiyalari va tabiiy go‘zalliklariga guvoh bo‘lganini qayd etib; ikki davlat o‘rtasidagi madaniy va turizm aloqalari kuchayib borayotganiga e’tibor qaratdi.
Rasmiylar vizasiz rejim xitoylik sayyohlar sonini yana - da oshirishi, mahalliy iqtisodiyotlarga hissa qo‘shishi va ikki tomonlama munosabatlarni chuqurlashtirishi kutilayotganini bildirgan.
Turkiya va Xitoy o‘rtasidagi munosabatlar savdo, turizm va madaniy almashinuvlar kengayishi orqali mustahkamlanib borar ekan, har ikki davlat ham yaqinroq iqtisodiy va diplomatik hamkorlikni faol qo‘llab - quvvatlamoqda.
