Suriya rasmiylari YPG terror tashkiloti yetakchiligidagi SDG tomonidan amalga oshirilgan hujumlardan so‘ng Halab Xalqaro aeroportiga boruvchi va undan uchuvchi reyslar vaqtincha to‘xtatilganini ma’lum qildi.
Fuqarolik aviatsiyasi bosh boshqarmasi yo‘lovchilar, parvoz ekipajlari va aeroport operatsiyalarining xavfsizligini ta’minlash maqsadida parvozlar 24 soatga zudlik bilan to‘xtatilganini bildirdi.
Shuningdek, to‘xtatib turish muddati davomida barcha rejalashtirilgan reyslar tegishli idoralar bilan hamkorlikda texnik va xavfsizlik baholashlari yakunlanguniga qadar Damashq Xalqaro aeroportiga yo‘naltirilishi qayd etildi.
Aviatsiya organi ushbu qarorni “oldini olish maqsadida qabul qilingan va vaqtinchalik” deb baholab, to‘xtatib turish muddati tugagach yoki yangi holatlar yuzaga kelgan taqdirda vaziyat bo‘yicha yangilangan ma’lumotlar berilishini ta’kidladi.
Yo‘lovchilarga parvozlar bo‘yicha eng so‘nggi ma’lumotlarni olish uchun aviakompaniyalar bilan bog‘lanish tavsiya etildi.
Parvozlarni to‘xtatish qarori Suriya rasmiylari YPG terror tashkiloti yetakchiligidagi SDG tomonidan amalga oshirilganini iddao qilgan va seshanba kuni erta tongda Halabda sodir bo‘lgan hujumlardan keyin qabul qilindi.
Rasmiy bayonotlarga ko‘ra, Suriyada bir nafar harbiy xizmatchi va ular orasida bir bola ham bo‘lgan to‘rt nafar tinch aholi vakili halok bo‘lgan, ko‘plab odamlar esa jarohatlangan.
Suriya va Turkiya PKK terror tashkilotining Suriya bo‘lagi sifatida ta’riflaydigan YPG, SDG nazorati ostida faoliyat yuritadi.
