Isroil vazirlar kengashi qamal ostidagi Gʻazoga xususiy sektor orqali bosqichma - bosqich va nazorat ostida tovar olib kirilishiga ruxsat beruvchi mexanizmni tasdiqladi.
Gʻazodagi blokadani amalga oshirgan Isroil harbiy agentligi COGAT mavzu haqida seshanba kuni bergan bayonotida, «Ushbu mexanizm Gʻazoga kiradigan yordam miqdorini oshirish va BMT bilan xalqaro tashkilotlar yordamini yigʻish faoliyatlariga boʻlgan qaramlilikni kamaytirishni koʻzlamoqda», - dedi.
Bayonotda, yangi mexanizm doirasida cheklangan miqdorda mahalliy savdogarlar tasdiqlangani ifoda etildi.
Bu harakat, Gʻazoning 2,4 millionlik aholisini ocharchilik yoqasiga olib kelgan Isroil blokadasining qoq oʻrtasida amalga oshirildi.
Gʻazodagi Falastin Sogʻliqni saqlash vazirligi ma’lumotlariga koʻra, 2023 - yilning oktabr oyidan beri ochlik va toʻyib ovqatlanmaslik yuzasidan kamida 180 kishi halok boʻlgan. Eng yomoni, ularning 93 nafari yosh bolalardan iborat.
Falastin hukumatining Gʻazodagi matbuot xizmati mavzu haqida dushanba kuni bayonot berdi. Ushbu bayonotga koʻra, Isroil joriy yilning 27 - iyulidan beri bor - yoʻgʻi 674 ta insonparvarlik yordami ortirilgan yuk tashuvchi mashinaning kirishiga ruxsat bergan. Bu esa, hududning bir kundagi minimal ehtiyoji hisoblangan 600 ta yuk tashuvchi mashinaning atigi 14 foizini tashkil etadi.
Hech qanday kuchi yoʻq
Sogʻliqni saqlash vazirligi Isroilning Gʻazodagi yordam markazlari yaqinidagi otishmasida joriy yilning 27 - mayidan beri yordam uchun kelgan falastinlik kamida 1 ming 516 kishi halok boʻlgani, 10 ming 67 kishi tan jarohati olganini ma’lum qildi.
Isroil tomonidan tayyorlangan yordam rejasi samarasiz ekani va ochlikdan azob chekayotgan tinch aholi uchun oʻlim tuzogʻi sifatida koʻpchilik tomonidan tanqid qilindi.
Otashkesim haqidagi xalqaro chaqiriqlarni rad etgan Isroil armiyasi, 2023 - yilning 7 - oktabridan beri G‘azoga qarshi uyushtirgan shafqatsiz hujumlari oqibatida falastinlik 61 ming nafarga yaqin inson umriga zomin boʻldi. Ularning koʻpchiligi ayollar va bolalardan iborat.
Isroilning harbiy hujumi mintaqani vayron qilib, ocharchilik yoqasiga olib keldi.
O‘tgan yilning noyabr oyida Xalqaro Jinoyat sudi Isroil Bosh vaziri Binyamin Netanyaxu va sobiq Mudofaa vaziri Yoav Gallant haqida G‘azodagi urush va insoniyatga qarshi qo‘l urilgan jinoyatlar tufayli hibsga olish bo‘yicha buyruq chiqardi.
Isroil shuningdek, aholi punktlaridagi tinch aholiga nisbatan qo‘l urilgan urush jinoyatlari yuzasidan Xalqaro Adliya sudida genotsidga qo‘l urganlikda ayblanmoqda.
