Gʻazodagi ayollarga nisbatan sodir etilgan vahshiylik o‘ziga yarasha munosabatni ololmadi, dedi Turkiya prezidenti Rejep Tayyip Erdo’g’an.
“Jinoyatchi va jabrdiydaning shaxsiyati yana bir bor javobning ohangini belgiladi,” dedi Erdo’g’an poytaxt Anqarada, seshanba kuni Ayollarga qarshi zoʻravonlikka barham berish bo‘yicha Xalqaro kun munosabati bilan oʻtkazilgan tadbirda.
Erdo’g’an Isroilning Gʻazodagi genotsidini misol qilib keltirib, Isroilning falastinliklarga qarshi jinoyatlarining jiddiyligini taʼkidladi.
“Gʻazodagi genotsidda shahid boʻlgan 70 000 falastinlikning uchdan ikki qismi, afsuski, ayollar va bolalar edi. Bu vijdonga ega odamlarga nisbatan ogohlantiruvchi raqamlar,” dedi u.
Ayollarga qarshi zoʻravonlikni inson qadr‑qimmatiga asosiy tajovuz deb atab, Erdo’g’an uni umumjahon jinoyati sifatida tasvirladi.
“Zulm kim tarafdan boʻlishidan qatʼi nazar, haqiqatni himoya qilamiz va har bir maydonda haqiqatni baland ovoz bilan aytamiz,” dedi Turkiya prezidenti.
“Ikki qizning otasi va prezident sifatida, men har doim bo‘lgani kabi ayollar va bolalarga qarshi zo‘ravonlikka qarshi kurashning old safida turaman,” dedi u asosiy nutqida.
“Odamlarga, xususan ayollar va bolalarga qarshi zoʻravonlik insoniyatga qarshi jinoyat, insoniylikka xiyonatdir. Ayolga qo‘l koʻtaradigan har kimning qoʻli va vijdoni qorayadi,” dedi u.
