Davlat axborot agentligi xabariga ko‘ra, ushbu muassasa Muqaddas Najotkor rohibalari tomonidan boshqarilgan. Livan davlat axborot agentligi NNA ma’lum qilishicha, Isroil harbiylari Yaroun hududida faoliyat yuritgan monastir va maktabni vayron qilgan.

Agentlik maktab yillar davomida Bint Jubayl tumani va atrof hududlardan minglab o‘quvchilarni tarbiyalaganini, u mintaqaning yetakchi ta’lim muassasalaridan biri hisoblanganini bildirdi.

NNA ushbu hujumni “ta’lim va ijtimoiy sohada katta yo‘qotish” deb baholadi.

Isroil 2 martdan buyon Livanga qarshi hujumlarini davom ettirmoqda. Bu hujumlar oqibatida 2 ming 600 dan ortiq kishi halok bo‘lgan, 1 milliondan ziyod odam o‘z uyini tark etishga majbur bo‘lgan.

17 aprel kuni boshlangan 10 kunlik sulh keyinchalik 17 maygacha uzaytirilgan, biroq Isroil har kuni havo zarbalari va uylarni buzish orqali sulhni buzishda davom etayotgani aytilmoqda.

Shuningdek, Isroil Livanning janubida “bufer zona”ni saqlab turib, buni Hizbulloh hujumlarini oldini olish maqsadi bilan izohlamoqda.