Pokiston afg‘onistonlik muhojirlarning qaytishi uhun Torkham chegara darvozasini takror ochdi. Rasmiylar shanba kuni (01.11.2025), ikki haftadan ortiq vaqtdan beri yopiq turgan chegaraning ochilishi bilan chorasiz qolgan minglab insonning muammosi hal bo‘lganini tasdiqladi.
Dawn gazetasi xabariga ko‘ra Pokiston rasmiylari 11 - oktabr kuni chegara kuchlari o‘rtasidagi to‘qnashuvlar yuzasidan bekitilgan chegara darvozasi, muhojirlarning qaytishlari va savdo uchun takror ochilganini bildirgan. Afg‘onistonning Nangarhor viloyatidagi Axborot va madaniyat bo‘limi rahbari Qurayshiy Badloon ham chegara qayta ochilganini tasdiqladi va afg‘onistonliklar qayta boshlaganini o‘z so‘ziga ilova etdi.
Chegara, bu oy boshlarida Pokiston va Afg‘oniston qo‘shinlari o‘rtasida paydo bo‘lgan to‘qnashuvlar ortidan yopilgandi. Bu holat, Novshera va Torkham o‘rtasidagi yo‘lda yuzlab transport vositalari va minglab qochqinlarni oziq - ovqat va suvdan mahrum qilib, chorasiz qoldirdi.
Istanbuldagi muzokaralardan keyin taranglik kamaydi
Turkiya va Qatar o‘rtamchiligida joriy yilning 15 - oktabri kuni vaqtinchalik yo‘lga qo‘yilgan otashkesim ortidan ikki davlat o‘rtasidagi taranglik kamaydi. Dastlab 48 soatga mo‘ljallangan otashkesim, Doha shahrida o‘tkazilgan muzokaralar ortidan uzaytirildi va tomonlar o‘rtasida oxirgi marta qayd etilgan chegaradagi muammolarni hal qilishga qaratilgan qadamlar tashlandi.
Roppa - rosa 14 soatlik muzokaralar ortidan har ikki tomon ham otashkesim yoki sulh tafsilotlarini ishlab chiqish uchun texnik qo‘mita tuzishga kelishib oldi va birinchi uchrashuv 25 - oktabrda Istanbulda o‘tkazilishi rejalashtirildi.
Pokiston bilan Afg‘oniston o‘rtasidagi 2,670 kilometr uzunlikdagi chegara 18 ta rasmiy o‘tish joyiga ega bo‘lib, ulardan Nangarhordagi Torkham va Qandahordagi Spin Bo‘ldak, savdo va harakat jihatidan eng gavjum o‘tish yo‘llari hisoblanadi. Chegara qo‘riqchilari o‘rtasida tez - tez kuzatilgan to‘qnashuvlar, harakat va savdoni buzib, quruqlik bilan o‘ralgan Afg‘oniston iqtisodiyotiga katta ziyon yetkazmoqda.
