Ishg‘ol ostidagi G‘arbiy Sohilning Sair shahrida noqonuniy isroillik ko‘chmanchilar Isroil kuchlari nazorati ostida falastinlik oilaning uyi bilan ikkita transport vositasini yoqib yubordi. Hujum oqibatida ayollar va qariyalar doxil falastinlik ko‘plab inson jarohat oldi. 2023 - yilning oktabr oyidan beri Isroil qo‘l urgan zo‘ravonlik G‘arbiy Sohilda keskin kuchaydi. Eng yomoni mazkur voqealar 1069 nafardan ortiq falastinlik umriga, 10 ming 300 nafardan ortiq inson sog‘ligiga zomin bo‘ldi. Nodavlat notijorat tashkilotlari, faqatgina oktabr oyining o‘zida noqonuniy ko‘chmanchilar tomonidan yuzlab hujumlar uyushtirilganini ma’lum qildi. Xalqaro Sud, Isroilning G‘arbiy Sohil va Sharqiy Quddusdagi ishg‘oli va barcha noqonuniy ko‘chmanchilar xalqaro huquq qoidalariga ko‘ra noqonuniy ekanini yana bir bor tasdiqladi.