Amerika Qo‘shma Shtatlari (AQSh) Prezidenti Donald Tramp, Eron 48 soat ichida Ho‘rmuz bo‘g‘ozini ochmagudek bo‘lsa unda mamlakatning energetika infratuzilmasini yer bilan yakson qilishini ta’kidladi; va hatto tahdid qildi.
Tramp shanba kuni (21.03.2026) Truth Social platformasi orqali bergan bayonotida, Eron belgilangan vaqt ichida bo‘g‘ozni «hech qanday tahdidsiz to‘liq ochib bermasa» unda AQSh eng yirik infratuzilmasi bosh bo‘lish bilan birga turli energetika infratuzilmalariga zarba berishini bildirdi.
Tramp mazkur bayonotini AQSh sharqiy vaqti bilan 19:44 da e’lon qildi va bu bilan amalda Eron tomoniga dushanba kechiga qadar muddat bergan bo‘ldi. U qaysi obyektni «eng yirik» deb nazarda tutgani esa ochiqlamadi.
Eron Tashqi Ishlar vaziri Abbos Aroqchi juma kuni (20.03.2026) bergan bayonotida, mamlakat infratuzilmasi nishonga olingan taqdirda Eron cheklovsiz javob berishini aytgan edi.
Tramp bundan avval PBS telekanaliga bergan intervyusida, tinch aholi ustida uzoq yillargacha davom etuvchi travma yaratishi mumkinligi sababli Tehrondagi energetika obyektlarini ataylab nishonga olmasligini ifoda etgandi. Uning so‘nggi bayonoti, vaziyat ancha keskinlashganidan dalolat beradi.
Ho‘rmuz bo‘g‘ozidagi inqiroz chuqurlashmoqda
AQSh bilan Isroil tomonidan 28 - fevral kuni Eronni nishonga olgan hujumlar boshlatilar ekan, bunga javob tariqasida Tehron bo‘g‘ozni amalda yopib qo‘ydi.
Odatda dunyo neftining va suyultirilgan tabiiy gazining qariyb beshdan biri aynan shu bo‘g‘oz orqali tashiladi. Bo‘g‘ozning yopilishi ushbu yo‘nalishga bog‘liq davlatlarni muqobil yo‘llarni izlashga va zaxiralaridan foydalanishga majbur qildi.
Ko‘rfazdan kelayotgan ta’minotning qisqarishi global miqyosda yoqilg‘i narxlarining oshishiga olib keldi va urush cho‘zilgani taqdirda hukumatlar uchun keng ko‘lamli inflyatsiya xavfini yuzaga chiqardi.
AQSh armiyasi shanba kuni bergan bayonotida, Ho‘rmuz bo‘g‘ozidagi neft va gaz tashuvlarini tahdid qiluvchi qurollar joylashtirilgan Eron boshpanasini urib tushirganini ma’lum qildi.
Mazkur bayonot energetika bozoridagi xavotirlarni kamaytirish hamda Vashingtonning ehtiyotkor ittifoqchilarini tinchlantirishga qaratilgani taxmin qilinmoqda. Dunyoning 20 dan ortiq mamlakati ham ushbu muhim dengiz yo‘lini qayta ochishga qaratilgan sa’y - harakatlarni qo‘llab - quvvatlashini bildirgan edi.
